22:40
“Millimiz son oyunlarda çox zəif, aciz göründü. Çox acı məğlubiyyətlər aldıq. İndi isə qələbə qazanmaq üçün ən real şans yaranıb”.
Bu sözləri Qol.az-a açıqlamasında millimizin sabiq üzvü Əfran İsmayılov deyib.
Yığmamızın Avro-2024-ün seçmə mərhələsində iyunun 17-də Estoniya ilə Bakıda keçiriləcək oyunu haqda danışan veteran yarımmüdafiəçi qeyd edib ki, bu görüşdə qələbədən başqa heç bir nəticə düşünülməməlidir: “Estoniya ilə evdə oynayırıq. Elə rəqibdir ki, uğursuzluğa görə heç bir bəhanə gətirmək olmaz. Rahat şəkildə qələbə qazanmalıyıq. Çox arzulayıram ki, millimiz qələbələr qazansın, həmişə öndə olsun. İnşallah yəqin ki, ayın 17-də bu qələbələrdən birini görəcəyik”.
Ə.İsmayılov bildirib ki, millimiz Estoniyaya qalib gəlməsə, baş məşqçi Canni De Byazi birmənalı şəkildə istefa verməlidir: “Bu oyunu da uduzsaq, De Byazi istefa verib getsin, başqa oyunları düşünməsin. Özünə hörmət edən məşqçi bunu etməlidir. Hörmətli qalmaq, yaxşı formada getmək istəyirsə, gərək belə etsin”.
