Cəlal Hüseynovun "Arda"sı - türklərin komandası

Cəlal Hüseynovun "Arda"sı - türklərin komandası
ÖLKƏ FUTBOLU 13 İyun 2023 / 11:24 3826
-  A +

Xəbər verdiyimiz kimi, Azərbaycan millisinin futbolçusu, "Zirə"nin müdafiəçisi Cəlal Hüseynovun Bolqarıstanın "Arda Kırcalı" klubuna keçiib.  20 yaşlı müdafiəçi ilə 3 illik müqavilə imzalanıb.

"Arda" Bolqarıstanın köhnə klublarından sayılır. 2024-cü ilin avqustun 10-da klub yaranmasının 100 iliyini qeyd edəcək. Bu komanda Arda çayının adını daşıyır. Klub 1945-57-ci illərdə "Minor" adını daşıyıb. Lakin sonradan köhnə adı olan "Arda"nı özünə qaytarıb.

"Arda" son illər yüksək liqada dirçəlişə başlayıb. Bolqarstan mətbuatının yazdığına görə, komandaya ölkənin PSİ Group yol tikintisi şirkəti sponsorluq edir. Bu şirkət "Ludoqorets"in də himayəçisidir. 

"Arda"nın Bolqarıstanın yüksək liqasında çempioluq kimi uğuru yoxdur. 2021-ci ildə komanda liqada 4-cü yeri tutub, ölkə kubokunun finalçısı olub. 2021/22 mövsümündə UEFA Konfrans Liqası yarışında iştirak edib. Bu, hələlik onların ən yaxşı uğuru sayıla bilər. "Arda" ikinci təsnifat mərhələsində İsrailin "Hapoel Beer Şeva" klubuna hər iki oyunda uduzaraq (0:4, 0:2) elə ilk mərhələdəcə mübarizəni dayandırıb. Komanda matçlarını "Arda Arena"da keçirir. Stadionun 15 minlik tamaşaçı tutumu var.

Komanda 2022/23 mövsümünü isə Bolqarıstan liqasında 8-ci yerdə tamamlayıb. Yeni mövsüm üçün "Arda"nın hədəfi mümkün qədər yüksək yer tutaraq avrokuboklara qatılmaqdır.

Qeyd edək ki, "Arda" klubu Bolqarıstanda Kırcalı vilayətinin eyni adlı şəhərini təmsil edir. 160 mindən çox əhalisi olan vilayətin 101 mininə yaxınını etnik türklər təşkil edir (digərləri bolqar və rumınlardır). Beləliklə, "Arda"nı türklərin komandası da adlandırmaq mümkündür. Kırcalı şəhərinin özünün isə 51 min əhalisi var (2022-ci ilin statistikasına görə). Şəhər Osmanlı komandanlarından olmuş Kırca Alinin adını daşıyır. 

Qeyd edək ki, klubun prezidenti Əhməd Mollahəsən adlı şəxsdir. 

Daha çox


Son xəbərlər
topaz banner