Millimizin üzvü əcnəbi kluba keçməyə yaxındır - Açıqlama

Millimizin üzvü əcnəbi kluba keçməyə yaxındır - Açıqlama
ÖLKƏ FUTBOLU 12 İyun 2023 / 11:29 4351
-  A +

"Zirə"nin müdafiəçisi Cəlal Hüseynov karyerasını Bolqarıstanda davam etdirməyə yaxındır.

Qol.az-ın xəbərinə görə, Bolqarıstan mediası yazıb ki, bu ölkənin yüksək liqa təmsilçisi "Arda Kırcalı" klubu 20 yaşlı C.Hüseynovu heyətinə qatmaq niyyətindədir. İddiaya görə, yaxın vaxtlarda  tərəflər arasında müqavilə imzalanacaq. 

Qeyd edək ki, C.Hüseynov hazırda "Avro-2024"ün Estoniya ilə seçmə matçına hazırlaşan Azərbaycan milli komandasına dəvət alıb. Oyun iyunun 17-də Bakıda keçiriləcək. 

"Zirə" klubundan Qol.az saytına verilən açıqlamada "Arda Kırcalı"nın C.Hüseynovu heyətinə qatmaq istəməsi təsdiqlənib. Qeyd edilib ki, C.Hüseynovun transferi ilə bağlı hazırda tərəflər arasında danışıqlar gedir. "Bəli, futbolçumuzu istəyirlər, bununla bağlı danışıqlar davam edir. Hələ danışıqlar yekunlaşmadığından indidən dəqiq nəsə demək düzgün deyil" - deyə klubun mətbuat xidmətinin rəhbəri Elmar Abdullazadə Qol.az-a bildirib.

Xatırladaq ki, müqavilə ilə "Zirə"yə məxsus olan C.Hüseynov ötən mövsümü icarə qaydasında "Şamaxı"da keçirib. O,2022/23 mövsümündə 33 Premyer Liqa matçında meydana çıxıb, 1 qol vurub.

C.Hüseynovla danışıqlar aparan "Arda Kırcalı" 2022/23 mövsümünü 8-ci yerdə başa vurub.

Daha çox


Son xəbərlər
topaz banner