17:18
"Hər şey qaydasındadır. Komandadakı ab-hava da yaxşıdır. Matça ciddi hazırlaşırıq. Bu, həm komandamız, həm də klub üçün çox önəmli bir oyundur".
Bu sözləri Qol.az saytına "Qəbələ"nin vitse-kapitanı Murad Musayev deyib. 29 yaşlı müdafiəçi Azərbaycan kubokunda "Neftçi"yə qarşı keçirəcəkləri final oyunu haqqında danışıb.
Musayev qeyd edib ki, Premyer Liqanın son turunda Konfrans Liqasına vəsiqə qazanmaqları komandanın əhval-ruhiyyəsini yüksəldib: "Əlbəttə ki, Konfrans Liqasına vəsiqəni təmin etmişik deyə əhva-ruhiyyəmiz yüksəkdir. Vəsiqə qazanmasaydıq, bu, bir az stress yaradardı. İndi isə komandamız tam rahat şəkildə oyuna hazırlaşır, köklənir. Təbii ki, bu, üstünlükdür".
Futbolçu görüşün maraqlı keçəcəyini bildirib: "Biz həmişə açıq futbol oynayırıq. Çalışırıq ki, həmişə hücumda olaq. Bu halda əlbəttə ki, matç da maraqlı keçir. Düşünürəm ki, finalın adına layiq bir oyun olacaq".
Murad Musayev oyuna kapitan kimi çıxıb-çıxmayacağı ilə bağlı suala bu cür cavab verib: "Kapitan kimi çıxıb-çıxmayacağımın qərarını baş məşqçimiz verəcək. Bilirsiniz ki, əsas kapitanımız Asif Məmmədov zədəlidir. Urfan Abbasov oynasa, kapitan o olacaq, oynamasa mən. Qərarı baş məşqçi verəcək".
O, bu titulu qazanmağın əhəmiyyətindən də danışıb: "Hər bir komanda üçün titul qazanmaq olduqca vacibdir. Xüsusilə də bizim üçün. Komandada klubun akademiyasında yetişən futbolçular da var, sonradan gələnlər də, legionerlər də. Yaxşı yerli futbolçularımız var. Hər bir komanda və futbolçu üçün titul qazanmaq vacibdir".
M.Musayev görüşün "Bakcell Arena"da keçirilməsinə də toxunub. O, finalın "Neftçi"nin ev oyunlarını keçirdiyi stadionda olmasının onlar üçün təzyiq yaratmayacağını deyib: "Bu, bizə təzyiq yaratmır. Amma "Neftçi" üçün üstünlük yarada bilər. Çünki öz meydanlarında oynayırlar, azarkeşləri çox olacaq. Ümumilikdə isə azarkeşlərin çoxluğu bizim üçün də maraqlıdır. "Bakcel Arena"da bizim də oyunlarımız olub. Bəzi avrokubok matçlarımızı orada keçirmişik. "Bakcell Arena" bizim üçün uğurludur. Ümid edirəm ki, bu dəfə də uğurlu olar".
Qeyd edək ki, iyunun 3-də keçiriləcək "Neftçi" - "Qəbələ" finalı saat 20:00-da başlayacaq.
Nur Zeynalova
Anri mükafatlandırıldı
UEFA-dan AFFA-ya məktub
"Sabah"ı lider edən qələbə - Video
"Rəqiblər bizə fərqli yanaşır, qarşımızı almaq üçün əllərindən gələni edirlər" - Valdas Dambrauskas
10 dəqiqəyə 3 qol vuraraq qalib oldular
"Fənərbaxça"dan Con Durana xəbərdarlıq gəldi
"Sabah" "Qarabağ"a qalib gəldi
Türkiyəli futbolçu "Mançester Yunayted"ə keçə bilər
“Qarabağ”da ciddi itki
Stankoviç məşqçilik karyerasına geri döndü
"Barselona"nın baş məşqçisi ilə bağlı qərarı bəlli oldu
Azarkeşlərin tənqidi ucbatından klub prezidenti istefa verdi
Kenan Yıldız "Yuventus"da ayın futbolçusu seçildi
"Real"ın futbolçusu "Borussiya"nın hədəfində
"Sabah" - "Qarabağ": Heyətlər
Finalissimanın vaxtı və yeri dəqiqləşdi
“Milan”ın hücumçusu əməliyyat olunacaq
1-ci liqada 2 oyun keçirildi
Şahruddin Almaniyada əməliyyat olundu
"Liverpul"un futbolçusu "Tottenhem"lə oyunu buraxacaq
AFFA rəsmisindən mübahisəli epizodlara şərh - Video
"Mançester Yunayted"də qalır
İdman jurnalistləri arasında intellektual yarış keçirilib
Tiaqo Silva klubundan ayrıldı
"Milan" "Vest Hem"in hücumçusunu transfer edir
İngiltərə kubokunda yarımfinal cütləri məlum oldu
"Maynts" – "Samsunspor" oyununu yayımlayacaq kanallar
