Mahir "Konyaspor"da qalmağın əleyhinə deyil

Mahir "Konyaspor"da qalmağın əleyhinə deyil
ÖLKƏ FUTBOLU 8 May 2023 / 16:00 2987
-  A +

"Matç bizim üçün həqiqətən çətin keçdi. Bütün həftə yaxşı hazırlaşsaq da, sürprizlərlə qarşılaşdıq. Maraqlı matç oldu. 10 dəqiqə ərzində hər iki komanda qol vurdu”.

Qol.az xəbər verir ki, bu sözləri “Konyaspor”da çıxış edən millimizin üzvü Mahir Emreli “Kontv”yə açıqlamasında deyib.

Həmçinin oxuyun: “Dinamo”nun yeni baş məşqçisi Mahiri qaytaracaqmı?

Türkiyə Super Liqasının 33-cü turunda "Kayserispor"la 2:2 hesablı heç-heçə etdikləri matçı dəyərləndirən hücumçu öz çıxışı haqda da danışıb: "Buraya gəldiyimdən bəri aktiv olmadığım matç keçirdim. Ümid edirəm ki, bu, sonuncu belə görüşüm olar. Çünki belə davam etməsini istəmirəm”. 

Müqavilə ilə Zaqreb “Dinamo”suna məxsus olan və “Konyaspor”da icarə əsasında çıxış edən 26 yaşlı futbolçu Türkiyə klubunda qalmağın əleyhinə olmadığını bildirib: “Yeni mövsümlə bağlı klubdan mənimlə görüşən olmayıb. Mən Zaqreb "Dinamo"suna məxsus futbolçuyam. Amma “Konyaspor”un yeni mövsüm üçün planlalarında yer alsam, şad olaram. Burada hər şey mənim üçün çox gözəldir. Ölkələrimiz arasında mədəniyyət fərqi yoxdur. Bir millətik”.

Daha çox


Son xəbərlər
topaz banner