Yunanıstan klubundan Əliyar Ağayevlə bağlı bəyanat

Yunanıstan klubundan Əliyar Ağayevlə bağlı bəyanat
ÖLKƏ FUTBOLU 1 May 2023 / 16:45 5230
-  A +

Yunanıstanın “Aris” klubu azərbaycanlı FIFA referisi Əliyar Ağayevin Superliqanın 33-cü turunda PAOK-la keçirilən oyundakı idarəçiliyindən narazı qalıb.

Qol.az xəbər verir ki, Saloniki təmsilçisi bununla bağlı bəyanat yayıb.

Bəyanatda bildirilir: “Eyni şeyi deməkdən bezmişik. Azərbaycandan gələn hakimlə hansı konsolidasiyadan danışa bilərik? “Tumba” stadionunda daha bir gözəl “layihə” gördük. Ağayev 30-cu dəqiqədə penaltimizi görmədi və 30-cu dəqiqədə rəqibin müdafiəçisinə qırmızı vərəqə göstərmədi. Qəribə orasıdır ki, hətta VAR-da oturan həmyerlisi də bu barədə ona heç nə demədi. Bu, açıq-aşkar saxtakarlıqdır. 30-cu dəqiqədə rəqibin qapısına təyin edilən penalti və futbolçusuna göstərilən qırmızı vərəqə oyununun tarazlığını dəyişəcəkdi”.

Oyun epizodları ilə bağlı müzakirələr hakimlərə qadağan edildiyindən Əliyar Ağayevin məsələ ilə bağlı fikirlərini öyrənə bilmədik.

Xatırladaq ki, Əliyar Ağayev PAOK-un futbolçularına 5 sarı, “Aris”in oyunçularına isə 2 sarı, 1 qırmızı vərəqə göstərib. “Aris”in qapısına təyin edilən penalti qolla əticələnib. Görüş PAOK-un 3:2 hesablı qələbəsi ilə başa çatıb.

Daha çox


Son xəbərlər
topaz banner