02.06.26
"Azərbaycan kubokunun yarımfinalında "Səbail"lə ilk oyundan sonra "Sumqayıt"la matça hazırlaşmaq çox çətin idi".
Bu sözləri Qol.az saytına açıqlamasında "Qəbələ"nin futbolçusu Ürfan Abbasov deyib. O, Misli Premyer Liqasının 31-ci turunda dünən "Sumqayıt"a əzmkarlıqla qalib gəlmələri (3:2) barədə danışıb. 30 yaşlı müdafiəçi belə qələbə qazandıqlarına görə sevincli olduqlarını söyləyib:
"Səbail"lə matç ilə "Sumqayıt"a qarşı görüşün arasındakı fasilə az idi. Dünən yenə hesabda geri düşmüşdük. Amma oyunun sonlarına yaxın özümüzdə güc tapıb, hər şeyi öz xeyrimizə dəyişə bildik. Buna görə çox sevincliyik".
30 yaşlı müdafiəçi kapitanlıq sarğısını daşımasından da danışıb. O, komanda yoldaşlarına motivasiya verməyin gözəl hiss olduğunu bilirib: "Bir kapitan kimi həmişə komandanın yanında olmaq, futbolçulara dəstək vermək gözəl hissdir. Komandada həm yaş, həm karyera baxımından məndən yaxşı futbolçular var. Kapitan sarğısını daşımaq o demək deyil ki, hər şeyi mən idarə edirəm. Bu komandada hamı bir kapitan, liderdir. Futbolçularımız dünənki oyunda da bunu sübut etdilər. Sevinirik ki, qələbə qazandıq".
Ü.Abbasov Azərbaycan kubokunun yarımfinalında "Səbail"ə qarşı səfərdə keçirəcəkləri cavab oyununa da toxunub. O deyib: "3 gün sonra "Səbail"lə qarşılaşacağıq. Bu matçın da çətin keçəcəyini bilirik. Çünki "Səbail"in stadionu süni ot örtüklüdür. Bu, bir az çətinlik yaradır. Təbii otdan süniyə, sünidən təbiiyə keçmək çətin olur. Amma dünənki əzmkarlığı "Səbail"lə görüşdə də göstərmək istəyirik".
Qeyd edək ki, "Səbail" - "Qəbələ" oyunu aprelin 27-də "Bank Respublika Arena"da keçiriləcək. Bu komandalar arasındakı ilk matç əyalət təmsilçisinin 3:2 hesablı qələbəsi ilə yekunlaşıb.
Minifutbol üzrə Avropa çempionatında ilk finalçı bilindi
"PSJ-yə uyğunlaşmaq çox çətindir"
Yamal zirvədə, Arda Güler 2-ci yerdə
Mourinyonun "qara" siyahısına düşdülər
UEFA klubların yeni reytinqini açıqladı
Bölgə klubunda yeni təyinat
DÇ-2026: Türkiyə millisinin oyun təqvimi
İran yığması DÇ-2026 üçün viza aldı
La Liqanın ən yaxşı baş məşqçisi bəlli oldu
"Bayer" Arbeloanın təklifini geri çevirdi
Ştegenə "Ayaks"dan maraq var
