19:13
"Çox yaxşı oyun izlədik. Qarşılıqlı hücumlar şəraitində keçən futbol oldu. Komandama təşəkkür edirəm, keyfiyyətli oyun oynadıq".
Qol.az xəbər verir ki, bu sözləri "Səbail"in baş məşqçisi Şahin Diniyev Misli Premyer Liqasının 31-ci turunda "Neftçi" ilə oyundan sonra mətbuat konfransında deyib.
O, 1:1 hesabı ilə başa çatan matçı belə şərh edib: "Bu vaxta qədər heç bu qədər qol imkanı yaratmamışdıq. Futbolçularıma etirazım yox idi. Üç xala çox yaxın idik. Real qol vəziyyətlərimiz daha çox idi. Qazanılan bir xal da bizim üçün qızıla bərabərdir. Hər xal bizi uğura aparır. Premyer Liqada qalmaq üçün komandaya inamım daha da artıb. Futbolçuların oyuna yanaşması məni razı salır. Bir az da artıracağıq və istədiyimiz nəticəni qazana biləcəyik. Komandanın içində atmosfer yüksək səviyyədədir. Hər kəs məsuliyyətini dərk edir. Görün, hardan hara gəlmişik. Vaxt lazımdır. 27 futbolçumuz var və hər biri eyni məşqləri edir. Bu gün də komanda göstərir ki, futbol oynamağı bacarır. Nə olur olsun, komandamın oyunundan razı qaldım".
Təcrübəli mütəxəssis bu gün iki xal itirdiklərini deyib: "Qələbə qazanmağa layiq idik. Göstərdiyimiz futbola görə, təsadüfə yox. Sürətli hücumlarımız oldu. Bu gün iki xal itirdik".
Baş məşqçi "Səbail"in bu vəziyyətdə olmasının səbəbkarı sizsiniz, yoxsa Mahmud Qurbanov" sualını belə cavablandırıb: "Məsuliyyəti daşıyan baş məşqçi mənəm".
Ş.Diniyev Mirabdulla Abbasovu oyuna gec daxil etməsini isə belə izah edib: "Əməliyyatdan yeni çıxıb və hələ tam hazır deyil. Onun durumunu məşqdə mən, oyunda siz görürsünüz. Ağabala Ramazanovla Mirabdullanın mövqeyi eynidir. Ağabala cinahda vinger kimi oynayır, Mirabdulla isə sırf hücumçudur".
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Zaqatala"dan qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
Türkiyə Kubokunda finalın vaxtı və yeri dəyişdi
"Neftçi" - "Qarabağ" oyununun hakimləri açıqlandı
“Qarabağ” portuqaliyalı futbolçu ilə maraqlanır
Fransa klubunda baş məşqçi ayrılığı
