02.06.26
"Oyun maraqlı və dramatik keçdi. Azarkeşlər üçün əsl futbol var idi. Qələbə qazanmaq istəyirdik. Yaxşı da hazırlaşmışdıq. "Zirə" sona qədər yaxşı mübarizə apardı. 0:2-dən sonra 8 dəqiqədə oyunu əldən verdik. Bəlkə də, hər iki komanda bir xala layiq idi. "Zirə"yə uğurlar arzulayıram".
Qol.az xəbər verir ki, bu sözləri "Qarabağ"ın baş məşqçisi Qurban Qurbanov Misli Premyer Liqasının 31-ci turunda "Zirə" ilə heç-heçə etdikləri oyundan (2:2) sonra deyib.
O, sözügedən görüşdə əvəzetmədən niyə istifadə etmədiyi haqda söyləyib: "Oyun ümumilikdə yaxşı keçdi. Hücum etdik, topa nəzarət bizdə oldu. Bəzi oyunçular uzun müddətdir oynamır, ona görə də onları riskə atmamaq qərarına gəldim. Belə oyunda ritmi itirə bilərdik. Futbolçularımız meydanda 90 dəqiqə dözdülər. Hər oyunda rotasiya edirdik. Amma onların da 90 dəqiqə meydanda olması vacib gəlir. Xüsusi səbəb yoxdur. Qarşıdakı matçlarda hansısa dəyişiklik ola bilər. Ümumiyyətlə, komandamın oyunundan, futbolçuların yanaşmasından razı qaldım. Bu cür davam etsək, istəkli, dinamik oyuna üstünlük versək, qarşıdakı matçlarda daha yaxşı nəticələrimiz olacaq".
Mütəxəssis Musa Qurbanlı ilə "Torino"nun maraqlandığı xəbərlərinə münasibət bildirib: "Elə bir şey yoxdur. Xəbər olsa, bildirərdik".
Minifutbol üzrə Avropa çempionatında ilk finalçı bilindi
"PSJ-yə uyğunlaşmaq çox çətindir"
Yamal zirvədə, Arda Güler 2-ci yerdə
Mourinyonun "qara" siyahısına düşdülər
UEFA klubların yeni reytinqini açıqladı
Bölgə klubunda yeni təyinat
DÇ-2026: Türkiyə millisinin oyun təqvimi
İran yığması DÇ-2026 üçün viza aldı
La Liqanın ən yaxşı baş məşqçisi bəlli oldu
"Bayer" Arbeloanın təklifini geri çevirdi
Ştegenə "Ayaks"dan maraq var
