16:49
“Əslində bu oyuna çoxdan hazırlaşırıq. Çünki yarımfinal matçıdır. Tam olaraq bu oyuna köklənmişik”.
Bu sözləri Qol.az saytına açıqlamasında “Turan Tovuz”un futbolçusu Tərlan Quliyev deyib.
Azərbaycan kubokunun yarımfinalında “Neftçi”yə qarşı keçirəcəkləri oyunlar haqda danışan müdafiəçi paytaxt təmsilçisi ilə görüşlərin onlar üçün finala bərabər olduğunu bildirib: “Premyer Liqanın lider komandalarından “Qarabağ” və “Sabah” kubokdan kənarda qaldıqlarına görə “Neftçi” ilə yarımfinal görüşləri bizim üçün finala bərabərdir. Oyunun gərginliyini indidən hiss edirik. Amma meydana rahat çıxmaq lazımdır. Əlimizdən gələni etsək, istədiyimiz nəticəni qazana bilərik”.
2009-2014-cü illərdə “Neftçi”də çıxış edən Quliyev o vaxtdan indiyədək komandada çox şeyin dəyişdiyini deyib: “Mənim oynadığm vaxtdan indiyədək “Neftçi”də çox dəyişikliklər olub. O zamanlarda “Neftçi” çempion olurdu, Avropa liqasının qrup mərhələsində çıxış edirdi. Demək olar ki, “Neftçi” çempionatda çox çətin rəqiblərdən biri idi. “Qarabağ”a, “Xəzər Lənkəran”a qarşı necə oyunlarımız var idi… İndi həmin matçlar gözümün önündən keçdi. Çox dəyişikliklər var. Amma nə də olsa, “Neftçi” böyük klubdur, həmişə öndə gedən komandalardan biri olub. Premyer Liqada demək olar ki, çempionluğu əldən veriblər, 2-ci yer uğrunda mübarizə aparırlar. Amma bu da çətin görünür. Onların müsahibələrinə, açıqlamalarına da baxırıq, ancaq kuboku fikirləşirlər”.
T.Quliyev son matçlarda bəzi azarkeşlərin komandanın baş məşqçisi Ayxan Abbasovu istefaya səsləməsinə də münasibət bildirib: “Məncə, həmin azarkeşlər futboldan anlayışı olmayan insanlardırlar. Bunu nəyə görə deyirəm? Çünki biz bu mövsüm Premyer Liqada mübarizə aparmağa başlayanda bilirdik ki, bizi çempionatda nə gözləyir, qarşıda hansı maneələrimiz olacaq. Ayxan Abbasovu istefaya səsləyən insanlardan mövsümün əvvəlində soruşsaydınız ki, komanda Premyer Liqada 8-9-cu yeri tutsa, nə düşünüərsiniz, onların çoxu deyərdi ki, sadəcə “Turan Tovuz”un çempionatda qalmağını istəyirik. Bizi istəyənlər də var, istəməyənlər də var. İstefa şüarları səsləndirənlər arasında uşaqlar da var idi. Mən gördüm. Komandanı sevən azarkeşlər belə hərəkət etməzdilər, yarımfinal matçı öncəsi bu cür şüarlar səsləndirməzdilər. Çünki həmin azarkeş istəsə ki, “Turan Tovuz” “Neftçi” ilə oyunlarda qələbə qazansın, belə hərəkət etməz”.
Qeyd edək ki, “Turan Tovuz”la “Neftçi” arasında ilk oyun bu gün keçiriləcək. Tovuz şəhr stadionundakı matç saat 16:00-da başlayacaq. Cavab görüşü isə aprelin 26-da Bakıda olacaq.
Yeniliklərdən daha tez xəbər tutmaq üçün bizi Feysbukda da izləyin
Turində triller! - Video
Baş məşqçiyə görə klubdan getməyə hazırlaşır
“Qarabağ” - “Sabah” oyununun hakimləri bilindi
Superliqanın ən məhsuldar transferləri bəlli oldu
"Tottenhem" İqor Tudorla sağollaşır?
"Everton" sabiq futbolçusunu geri qaytara bilər
PSJ-dən "Barselona"ya keçə bilər
"Öz oyun planımızı rəqibə qəbul etdirməliyik"
"Arsenal" azarkeşlərinin səfər xərclərini ödəyəcək
Rusiya millisi ilə oynamaqdan imtina etdilər
Xavi millinin baş məşqçisi ola bilər
UEFA "Benfika"nın şikayətini rədd etdi
"Şəfa"dan 8 qollu qələbə - Video
Premyer Liqa klubları cərimələndi
Misli Premyer Liqasında 18 oyunun vaxtı açıqlandı
Sabir Allahquliyevdən 150-ci oyunda 70-ci qol
Mövsümün matçına hazırsınız? - Video
Caner Erkin intizamsızlığına görə klubdan göndərildi
Azərbaycan millisi Moldovaya qalib gəldi
Azərbaycan idmançılarının Olimpiya medalları dəyişdirilir
