19:13
"Bu, Azərbaycan kubokunun yarımfinalıdır. Hər kəs mərhələnin mahiyyətini başa düşür".
Bu sözləri Qol.az saytına açıqlamasında "Turan Tovuz"un baş məşqçisi Ayxan Abbasov deyib.
O, Azərbaycan kubokunun yarımfinalında "Neftçi"yə qarşı sabah keçirəcəkləri ilk oyun barədə danışarkən qarşılaşmaya hazır olduqlarını bildirib: "Rəqibimizin gücünü başa düşürük. Klub, şəhər olaraq oyuna hazırlaşırıq. Yenidən Premyer Liqada mübarizə apardığımız ilk ildə Azərbaycan kubokunda yarımfinal həyəcanı yaşamağımızın özü də bir uğurdur. Amma istəyirik ki, daha da uğurlu olaq. Hər kəs matça hazırdır".
Abbasov Premyer Liqadakı son oyunlarında - 30-cu turda "Kəpəz"lə görüşdə məğlub olmaqlarının (0:1) komandada psixoloji gərginlik yaratdığını, lakin bunu aradan qadırmağa çalışdıqlarını qeyd edib: "Əlbəttə ki, uduzanda hər bir komandada məyusluq olur. Amma çalışırıq ki, hər matçdan sonra futbolçularımızı növbəti oyuna kökləyək, psixoloji problem olmasın".
Mütəxəssis "Neftçi" ilə görüşdən öncə Tovuz təmsilçisində bir neçə itkinin olmasını da diqqətə çatdırıb: "Ehtiram Şahverdiyev və Tərlan Əhmədli cəzalıdırlar. Ona görə oyunu buraxacaqlar. Kulu Siyanda isə zədəlidir. Onun durumu sabah bilinəcək. Amma Ehtiramla Tərlanın matçı buraxacağı dəqiqdir. Ümumilikdə isə oyuna hazırıq".
Qeyd edək ki, sabah Tovuz şəhər stadionunda keçiriləcək "Turan Tovuz" - "Neftçi" oyunu saat 16:00-da başlayacaq. Bu komandalar arasında cavab görüşü isə aprelin 26-da Bakıda olacaq.
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
