19:14
Avrokuboklara vəsiqəni təmin edən “Sabah”ın turnirdəki ev oyunlarını hansı stadionda keçirəcəyi hələlik dəqiqləşməyib.
Bu barədə Qol.az-a klubun mətbuat xidmətinin rəhbəri Elnur Həmidov məlumat verib.
Onun sözlərinə görə, UEFA-nın tələblərinə uyğun olsa, komanda ev oyununu Masazırdakı Bank Respublika Arenada keçirəcək:
“Biz istəyirik ki, Bank Respublika Arenada oynayaq. Bu istiqamətdə də işlər başlayıb. Bildiyiniz kimi, UEFA-nın qaydalarına əsasən stadion müəyyən kriteriyalara cavab verməlidir. Hazırda həmin çatışmayan kriteriyaları həll etmək üçün işlər aparılır. Sona qədər çalışacağıq ki, oyun Masazırda olsun. Amma hələlik dəqiq bilinən bir şey yoxdur.
UEFA-nın tələb etdiyi kriteriyalar 1-2 məsələ deyil, çoxdur. Müəyyən xırdalıqlar var. Hansı ki, stadion lazım olan standartlara cavab verməlidir. Qeyd etdiyim kimi, əsas onun üzərində çalışırıq ki, oyunumuz Bank Respublika Arenada olsun. Alınmasa, başqa variantlar üzərində işləyəcəyik. Yaxın günlərdə bununla bağlı qərar veriləcək. Hələ ki, ancaq Bank Respublika Arena variantı üzərində iş gedir”.
Xatırladaq ki, “Sabah” tarixində ilk dəfə avrokuboklara vəsiqə qazanıb. Murad Musayevin komandası Misli Premyer Liqasının 28-ci turunda “Qəbələ” ilə oyundan (3:2) sonra ilk üçlükdəki yerini təmin edib.
Yeniliklərdən daha tez xəbər tutmaq üçün bizi Feysbukda da izləyin
Turində triller! - Video
Baş məşqçiyə görə klubdan getməyə hazırlaşır
“Qarabağ” - “Sabah” oyununun hakimləri bilindi
Superliqanın ən məhsuldar transferləri bəlli oldu
"Tottenhem" İqor Tudorla sağollaşır?
"Everton" sabiq futbolçusunu geri qaytara bilər
PSJ-dən "Barselona"ya keçə bilər
"Öz oyun planımızı rəqibə qəbul etdirməliyik"
"Arsenal" azarkeşlərinin səfər xərclərini ödəyəcək
