19:14
“Klublara ayrılan maliyyənin köçürülməsi üçün əvvəlcə onlar hesabat göndərməlidirlər. Bu, AFFA-nın Hesabat və Təftiş Komitəsinə təqdim olunur. Hər şey qaydasındadırsa, maliyyə vəsaiti köçürülür”.
Bu sözləri Qol.az-a açıqlamasında AFFA-nın mətbuat xidmətinin rəhbəri Firuz Abdulla deyib.
AFFA-dan maliyyələşən “Kəpəz”də iki aydır maaşların verilməməsinə münasibət bildirən qurum rəsmisi qeyd edib ki, problem klubun göndərdiyi hesabatdadır:
“Kəpəz” martın 5-də hesabatı təqdim edib. Hesabatlarında nöqsan olduğu üçün geri qaytarılıb. Növbəti dəfə isə Novruz bayramı ərəfəsində, yəni qeyri-iş günlərində hesabatı göndəriblər. İndi komitə ona baxır. Əgər bu dəfə hər hansı nöqsan aşkar olunmasa, pul köçürüləcək. Təkcə “Kəpəz” yox, bir neçə klubun hesabatında nöqsan olduğu üçün geri qaytarılıb”.
Firuz Abdulla
Hesabatda olan nöqsanı açıqlaya bilməyəcəyini deyən F.Abdulla əlavə edib: “Bu nöqsanları mən deyə bilmərəm. Çünki məxfi məsələlərdir. Hər istiqamət üzrə xərcləri dəqiq göstərmək lazımdır. Klubun məşğul olduğu cari məsələlər var: infrastruktur, uşaq futbolu və sairə. Onun hamısı ilə bağlı hesabat təqdim etməlidirlər. Onlar göstərilmədikdə qəbul olunmur. Əgər hesabatlarında yenə nöqsan olsa, pul köçürülməyəcək. Bu, bizim problem deyil. Zəhmət çəksinlər, hesabatı düzgün göndərsinlər”.
Xatırladaq ki, “Kəpəz”in baş məşqçisi Tərlan Əhmədov “Səbail”lə çempionat oyunundan sonra bildirib ki, iki aydır maaş almırlar. O, bu həftə məsələnin həll olunacağının gözlənildiyini deyib.
Yeniliklərdən daha tez xəbər tutmaq üçün bizi Feysbukda da izləyin
Turində triller! - Video
Baş məşqçiyə görə klubdan getməyə hazırlaşır
“Qarabağ” - “Sabah” oyununun hakimləri bilindi
Superliqanın ən məhsuldar transferləri bəlli oldu
"Tottenhem" İqor Tudorla sağollaşır?
"Everton" sabiq futbolçusunu geri qaytara bilər
PSJ-dən "Barselona"ya keçə bilər
"Öz oyun planımızı rəqibə qəbul etdirməliyik"
"Arsenal" azarkeşlərinin səfər xərclərini ödəyəcək
