19:14
"Futbolçularımı təbrik edirəm. Çox vacib 3 xal qazandıq. Daha baxımlı oynaya bilərdik. Ancaq burada oynamaq heç də asan deyil. Həm meydan, həm buranın atmosferi, havası çətinlik yaradır. Dəniz səviyyəsindən xeyli yuxarıdadır. Futbolçuların daha dinamik olmasına problem yaradır".
Qol.az xəbər verir ki, bu sözləri "Qarabağ"ın baş məşqçisi Qurban Qurbanov Misli Premyer Liqasının 28-ci turunda bu gün səfərdə "Şamaxı"ya qalib gəldikləri oyundan (1:0) sonra mətbuat konfransında deyib.
O, heyət seçimində millidən qayıdan futbolçuların yorğunluyuğunu nəzərə aldığını bildirib: "Ağır oyun keçirmişdilər. Sonda meydanda yerlilərin sayı çoxaldı. "Qalatasaray"la matçda hər biri özünü yaxşı tərəfdən göstərmişdi. Qarşıda da belə hallar ola bilər. Kim hazırdırsa, onu meydana buraxmağa çalışırıq".
Yığmadan qayıdan yerli futbolçularla millinin oyunları mövzusunda danışmadığını deyən mütəxəssis bəzi oyunçuların psixoloji sıxıntı keçirdiyini qeyd edib: "Şamaxı" ilə oyuna hazırlaşırdıq. Sadəcə onların yorğunluğuna görə narahat idim. Psixoloji sıxıntıları da hiss olunurdu, bir az həvəssiz idilər. İki gün əvvəl normal məşq keçdilər".
Q.Qurbanov millinin məşqçisi Arif Əsədovun futbolçuların fiziki cəhətdən hazır olmaması ilə bağlı fikirlərinə də münasibət bildirib: "Fikir bildirmək istəmirəm. İllər boyu bu söhbət həmişə var. Əksinə, millidən qayıdandan sonra futbolçuları əvvəlki formasına qaytarmaq üçün mənə azı 20 gün lazım olur. Oynayanlara istirahət verirəm. Oynamayanlar həm məşqlərdən, həm oyun praktikasından uzaq qalırlar. Millidən qayıdandan sonra futbolçuların hamısını eyni səviyyəyə gətirmək bizim üçün heç də asan deyil. Bu söz-söhbətlər həmişə olub. Normal şeydir".
Q.Qurbanov qapıda Amin Ramazanova şans verməməyinin səbəbi haqda isə deyib: "Hər futbolçunu meydana buraxmaq düşüncəmiz olur. Bu gün belə qərar verdik. Amin son vaxtlar yaxşılığa doğru gedir. Daha da yaxşı olacaq".
Yeniliklərdən daha tez xəbər tutmaq üçün bizi Feysbukda da izləyin
Turində triller! - Video
Baş məşqçiyə görə klubdan getməyə hazırlaşır
“Qarabağ” - “Sabah” oyununun hakimləri bilindi
Superliqanın ən məhsuldar transferləri bəlli oldu
"Tottenhem" İqor Tudorla sağollaşır?
"Everton" sabiq futbolçusunu geri qaytara bilər
PSJ-dən "Barselona"ya keçə bilər
"Öz oyun planımızı rəqibə qəbul etdirməliyik"
"Arsenal" azarkeşlərinin səfər xərclərini ödəyəcək
