“Yerli mütəxəssislərə məşqçini təyin edənlər güvənməlidir”

“Yerli mütəxəssislərə məşqçini təyin edənlər güvənməlidir”
ÖLKƏ FUTBOLU 30 Mart 2023 / 13:06 1336
-  A +

Artıq bir neçə ildir ki, milli komandamızın baş məşqçisinin istefaya göndərilməsi mövzusu yaranarkən onu əvəzləyə biləcək yerli mütəxəssislər arasında Ayxan Abbasovun da adı çəkilir. “Sumqayıt” və “Zirə”dəki işi ilə seçilən Abbasov hazırda “Turan Tovuz”da yaxşı komanda yaratmağı bacarıb. Bəs o, milli komandada işləməyə necə baxır? 

Bununla bağlı Qol.az-a danışan mütəxəssis yerli məşqçilərə ilk növbədə AFFA-nın inanmalı olduğunu bildirib:

“İlk öncə bizim mediaya təşəkkür düşür ki, yerli məşqçilərə inamları var. Bu, yaxşı haldır. Demək ki, yerli məşqçilər hansısa inamı qazanıb. Amma media və futbol adamları məşqçi təyin etmir. Gərək yerli mütəxəssislərə məşqçini təyin edənlər inansın. Əlbəttə, yerli məşqçiyə güvən olsa, niyə də əl-ələ verib nəticə qazanılmasın. Düzdür, millidə nəticə əldə etmək çox çətindir, amma sistemli şəkildə işləmək olar. Qeyd etdiyim kimi, bu, AFFA rəhbərliyinin qərarıdır. Gözləyək. Əsas odur ki, millimiz bu durumdan çıxsın”.

Xatırladaq ki, milli komandamız Avro-2024-ün seçmə mərhələsinin ilk iki oyununda uduzub. Avstriyaya 1:4 hesabı ilə məğlub olan Canni De Byazinin komandası İsveçdən 5 cavabsız qol buraxıb.

Yeniliklərdən daha tez xəbər tutmaq üçün bizi Feysbukda da izləyin

Daha çox


Son xəbərlər