Mahir Emreli: "Konyaspor"da qalmaqla bağlı mövsümün sonunda danışa bilərik" - Video

Mahir Emreli: "Konyaspor"da qalmaqla bağlı mövsümün sonunda danışa bilərik" - Video
ÖLKƏ FUTBOLU 15 Mart 2023 / 16:48 2007
-  A +

"Əsas mövqeyim hücumdur. Amma burada baş məşqçinin düşüncəsi daha önəmlidir. “Giresunspor”la matçda baş məşqçimiz məni sağ cinahda oynatdı".

Qol.az xəbər verir ki, bu sözləri Türkiyənin "Konyaspor" klubunda çıxış edən millimizin hücumçusu Mahir Emreli deyib.

O, Superliqanın 26-cı turunda lider "Qalatasaray"la keçiriləcək oyun öncəsi təklif edilən brifinqdə fikirlərini bölüşüb:

"Taktiki məşqlər edirik. Rəqibimizə uyğun hazırlaşmağa çalışırıq. Daha əvvəl də ağır məşqlər etmişik. Bəzi anlar olur ki, sağ cinahda daha rahat olursan, bəzən də hücumda. Təbii ki, əsas mövqeyim hücumdur. Amma əsas baş məşqçinin qərarıdır. Mənə hansı mövqedə şans versə, əlimdən gələnin ən yaxşısını etməyə çalışacağam. Önəmli olan odur ki, komandanın xeyrinə olsun. 

Rəqibimizi tanıyırıq. Onlar Superliqada liderdirlər. "Qalatasaray"ın qələbə seriyası var. Amma biz bu seriyaya son qoya bilərik"

"Konyaspor"un yeni transferi Türkiyəyə tez uyğunlaşdığını da bildirib: "3-4 həftədir ki, Türkiyəyə gəlmişəm. Buradakı istiliyi hiss etdim. Mənə yad ölkə olmadığı üçün dərhal adaptasiya ola bildim, insanlarla qaynayıb-qarışdım. Əlbəttə ki, işin futbol tərəfi daha önəmlidir. Hər şey yaxşı olarsa, burada qalmaqla bağlı mövsümün sonunda daha rahat danışa bilərik”.

Qeyd edək ki, müqavilə ilə Xorvatiyanın “Dinamo” (Zaqreb) klubuna məxsus olan Mahir Emreli qış fasiləsində icarə əsasında “Konyaspor”a keçib.

Daha çox


Son xəbərlər
topaz banner