AFFA İcraiyyə Komitəsinin bütün qərarları

Bu gün AFFA-nın İcraiyyə Komitəsinin növbəti iclası keçirilib. 

Qol.az AFFA-nın saytına istinadən xəbər verir ki, aparılmış müzakirələrdən sonra aşağıdakı qərarlar qəbul olunub:

1. Ümummilli lider Heydər Əliyevin anadan olmasının 100 illik yubileyi ilə bağlı həyata keçirilməsi nəzərdə tutulan silsilə tədbir planının hazırlanması AFFA-nın baş katibliyinə tapşırılıb.
 
2. 2024-2028-ci illər üçün UEFA və 2023-2026-cı illər üçün FIFA tərəfindən ayrılacaq müvafiq maliyyə vəsaiti müxtəlif regionlarda yeni infrastruktur layihələrinin inşasına ayrılmasına qərar verilib.
 
3. Aşağı yaş qruplarından ibarət milli komandaların baş məşqçiləri təsdiq olunub:

U-19 – Aqil Nəbiyev
U-18 – Elxan Abdullayev
U-17 – Füzuli Məmmədov
U-16; U-15 – İlham Yadullayev
U-19 (qızlar) – Həbib Ağayev
 
4. AFFA-nın nəzdində fəaliyyət göstərən müvafiq komitələrin tərkibi aşağıdakı kimi təsdiq olunub
 
Apellyasiya Arbitraj Tribunalı
Sədr:
Nazim Rəşidov – Azərbaycan Respublikası Baş Prokurorluğunun nümayəndəsi
 
Üzvlər:
Rüfət Kərimov – Korrupsiyaya qarşı mübarizə Baş İdarəsinin nümayəndəsi
Arif Əyyubov – Vəkillər Kollegiyasının üzvü
Orxan Məmmədov – Dövlət Vergi xidmətinin nümayəndəsi
Rəşad Qasımov – Fərdi sahibkar
Cavid Quliyev – Dövlət Təhlükəsizlik Xidmətinin nümayəndəsi
 
Oyunçuların Statusu və Transferi Komitəsi
Sədr:
Tural Eyvazov – Hüquqşünas
 
Üzvlər:
Orxan Əhmədov – AFFA-nın əməkdaşı
Seymur Səlimli – AFFA-nın əməkdaşı
Fərid Haqverdiyev – Hüquqşünas
Elgiz Abbasov – PFL-in əməkdaşı
 
Katib:
Nurlan Zeynalzadə – AFFA-nın əməkdaşı
 
İntizam Komitəsi
Sədr:
Erkin Hüseynov – Hüquqşünas
 
Üzvlər:
Məlik Həsənov – PFL-in əməkdaşı
Qabil Nəcəfov – AFFA-nın əməkdaşı
Elçin Məmmədov – AFFA-nın əməkdaşı
Aslan Şahgəldiyev – PFL-in vitse-prezidenti
Ramil Cahangirov – Dövlət Şəhərsalma Agentliyinin nümayəndəsi
Ömər Paşayev – Hakimlər Komitəsinin üzvü
 
Səs hüququ olmayanlar:
Namiq Əliyev – İntizam üzrə müfəttiş
Müzəffər Müzəffərli – PFL-in əməkdaşı
Rəna Əsədova – AFFA-nın əməkdaşı
 
5. AFFA-nın Futbol Veteranları üçün fərdi təqaüdləri haqqında Əsasnaməsinə əlavə və dəyişikliklərin olunması ilə bağlı təkliflərin hazırlanması baş katibliyə tapşırılıb.
 
6. Birinci Divizionda çıxış etmək üçün klubların Region Liqasinda 3 illik fəaliyyət tələbi ilə bağlı qərar ləğv olunub.
 
7. Misli Premyer Liqası, Birinci Divizion və kubok oyunlarının internet üzərindən yayımı və oyunların statistik məlumatlarının əldə olunması PFL-ə həvalə olunub.
 
8. 2023-2024-cü il mövsümündən etibarən Birinci Divizion və əvəzedici heyətlərin çempionatları ayrı-ayrılıqda keçirilməsinə, hər iki çempionat hər birində 10 komanda olmaqla təşkil olunmasına qərar verilib
 
9. 2023-24-cü illər mövsümündən etibarən Birinci Divizionda çıxış edən klublar üçün lisenziyalaşdırma qaydaları tətbiq olunacaq. Müvafiq meyarların hazırlanaraq İcraiyyə Komitəsinə təqdim olunması AFFA-nın baş katibliyinə və PFL-ə tapşırılıb.
 
İcraiyyə Komitəsinin iclasında Yoxlama və Təftiş Komitəsi tərəfindən hesabat məruzəsi təqdim olunub.