19:13
“Hazırda komandada vəziyyət sabitdir. Ruhdan düşmək söhbəti gedə bilməz. Şamaxıda hava şəraiti ilə əlaqədar məşq edə bilmirik. Biraz çətinliyimiz var. Amma bunu bəhanə etmək olmaz. Komanda şəklində çalışıb xal və xallar qazanacağımıza inanırıq".
Bu sözləri “Şamaxı”nən yarımmüdafiəçisi Bahadur Həziyev Qol.az-a açıqlamasında komandasının qış fasiləsindən sonrakı çıxışı barədə danışarkən deyib.
23 yaşlı oyunçu bölgə təmsilçisinin çempionatda 8-ci yerə layiq olmadığını qeyd edib: “Komandanın bu pillədə olması bizi qane edə bilməz. Biz elə bir futbol oynamırıq ki, bu cür vəziyyətlə barışaq. Heyətdə gənc və istedadlı oyunçular çoxdur. Bununla belə əksər hallarda təcrübə öz sözünü deyir. Dünən “Sumqayıt”la oyunda ani bir səhvdən qol buraxdıq. Yenə də biz oyunumuzu göstərməyə davam etdik. Şanslarımız olsa da bundan istifadə edə bilmədik”.
Bahadur Həziyev legionersiz çıxış edən “Şamaxı”da fərqlənmək imkanlarından, komandadakı ab-havadan söz açıb: “Komandada legionerin olması daha yaxşıdır. Lakin keyfiyyətli legioner heyətdə çıxış etməlidir ki, gənc futbolçular onun təcrübəsindən faydalana bilsin. Daha da çox fərqlənə bilərəm. Niyə də yox? Hər bir futbolçu çıxdığı oyunlarda fərqlənmək istəyir. Baş məşqçi və digər məşqçilərlə münasibətim yaxşıdır. Heç bir problemim yoxdur. Hər şey qaydasındadır. Bəli, komandada çatışmayan cəhətimiz var. Məşqçilər daha diqqətli oynamağımız üçün bunun üzərində çalışır. Kollektiv olaraq çox yaxşı anlaşırıq. Hər oyuna bacardığımız qədər yaxşı, maksimum nəticə qazanmaq üçün çıxırıq. Əlbəttə ki, daha yüksək pillələrdə qərarlaşmaq istəyirik”.
Yarımmüdafiəçi qarşıdan gələn “Kəpəz”lə matç haqqında da fikir bildirib: “Kəpəz”ə qarşı hazırlaşmaq üçün çox az vaxtımız qalıb. Bizi çətin oyun gözləyir. “Sumqayıt”la oyunu unudub, “Kəpəz”ə qarşı keçirəcəyimiz matça köklənmişik”.
Bahadur Həziyev oyun üslubu və bəyəndiyi futbolçu haqqında bunları vurğulayıb: “Oynadığım mövqedə kumirim Lionel Messidir. Oyun üslubumu Messinin tərzinə bənzədirlər”.
Azad Nuriyev
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
Türkiyə Kubokunda finalın vaxtı və yeri dəyişdi
