21:42
“Bu çövsüm çox xallar itirdik. Yoxsa komandamız indi daha yüksək pillələrdə ola bilərdi. Heyfslənirik".
Bu sözləri Qol.az-a açıqlamasında "Qəbələ”nin braziliyalı sol cinah futbolçusu Felipe Santos deyib. Ötən ilin yayında “Şamaxı"dan “Qəbələ”yə transfer olunan 26 yaşlı vinger deyib: " Komandaya qoşulduğum ilk vaxtlar mənə bir qədər çətin oldu. Məşqlər və oyunlar davam etdikcə bura uyğunlaşa bildim. İndi bir-birimizə baxmadan da ötürmə edə bilirik. Komanda şəklində anlaşmada problem yoxdur. Son iki səfər matçının hər birində bir xal qazandıq. Bizim ehtiyacımız lazım olan Qəbələdə qalib gəlmək, səfərdə isə ən azı bir xal əldə etməkdir. Bunun sayəsində komanda olaraq turnir cədvəlində irəliləyə və avrokuboklara vəsiqə qazana bilərik”.
Braziliyalı oyunçu "Zirə" ilə son Premyer Liqa matçında (2:2) komandasının bərabərlik qolunu vurub. O, bunun özü üçün əhamiyyətli olduğunu deməklə yanaşı bu mövsüm az qol vurmasından da şikayətlənib: “Keçmiş komandamda ("Şamaxı") 7 qolla klubun bombardiri oldum. Daha sonra zədələndim və bir müddət bundan əziyyət çəkdim. Zədə məni 3 ay meydanlardan kənar saxladı. İndi isə komandam məni artıq yaxşı tanıyır və fərqlənməyim üçün hər şey edir. Bununla belə, mən qol vurmaq üçün imkan qazana bilmirəm. Amma məhsuldar ötürmə verirəm. Hesab edirəm ki, bu da əhəmiyyətlidir. Əsas məqsədim mübarizə aparmaq və mövsümü daha yaxşı başa vurmaqdır.
Bu mövsümün sonu "Qəbələ" ilə müqaviləsi başa çatacaq braziliyalı deyib: "Hələ ki, mənimlə burada qalıb-qalmayacağıma dair əlaqə saxlamayıblar. Var gücümlə çalışıram. Harada olmağımdan asılı olmayaraq, bacardığımın ən yaxşısını edəcəyimə inanıram".
Braziliyalı hücumçu “Neftçi” ilə növbəti turda qələbə qazanmalı olduqlarını diqqətə çatdırıb: “Çətin matç olacaq. İlk dövrədə “Neftçi” qalib gəlmişdi (2:1). Bu dəfə bizim oyuna daha çox köklənməyə ehtiyacımız var. İmkan düşdüyü qədər “Neftçi”yə qollar vurmalıyıq ki, buna da gücümüz var”.
Azad Nuriyev
"İnter" hücumçu aldı
O pulu ailəsi alacaq
Hara gedirsən, Benzia?
Uolkerin yeni klubu bəlli oldu
"Qəbələ" növbəti transferini rəsmən açıqladı - Yenilənib
UEFA "Barselona", "Çelsi" və digər klubları cərimələdi
"Neftçi"dən ayrıldı, "İmişli"yə keçdi - Rəsmi
"Real" futbolçularına 1 milyonluq mükafat vəd etdi
"Mançester Yunayted" 4 oyunçusu ilə yollarını ayırır
Fatih Terimin yerinə onu təyin etdilər
"Barselona" Niko Uilyamsla əlaqəni kəsdi
"İmişli" yayda 7 yoxlama oyunu keçirəcək
“Araz-Naxçıvan”ın rəqibi yoxlama matçında uduzdu
"Arsenal" yaponiyalı futbolçusu ilə yolları ayırdı
"Yuventus" kanadalı hücumçu transfer etdi
"Atletiko"nun futbolçusu "Betis"ə keçdi - Rəsmi
"Napoli"də qalır
İçib klub direktorunu təhqir etdi, ağır cəza aldı
İspaniya millisinin üzvü 10 illik müqavilə bağladı
Juninyo yeni klub axtarışına çıxıb - İki təklif var
