PFL "Qarabağ" - Sabah" görüşünü niyə erkən saata təyin edib? - Açıqlama

PFL "Qarabağ" - Sabah" görüşünü niyə erkən saata təyin edib? - Açıqlama
ÖLKƏ FUTBOLU 7 Fevral 2023 / 11:14 6319
-  A +

Bu həftə Misli Premyer Liqasının növbəti - 22-ci turunda çempionatın 1 və 2-ci yerlərində qərarlaşan “Qarabağ”la “Sabah” üz-üzə gələcək. Hazırda Ağdam təmsilçisi ən yaxın izləyicisini 5 xal geridə qoyur. Bu matçda "Sabah" qalib gələrsə, xal fərqi 2-ə enəcək və deməli, Premyer Liqada intiriqa daha da qızışacaq.

Çempionluq yarışı baxımından əhəmiyyətli hesab olunan oyun fevralın 11-i saat 17:00-da "Azərsun Arena"da başlanacaq. Lakin turun mərkəzi oyununun istirahət günü olan şənbədə erkən saatda start götürəcəyi diqqət çəkir. Çünki təcrübədə adətən, belə görüşlər daha çox azarkeş və TV tamaşaçısı toplaması baxımından gec saatlarda başlayır. Məsələn, 19:00, 20:00, hətta 21:00-da... Belə olan halda bizdə mərkəzi qarşılaşma niyə saat 17:00-a təyin edilib?

Məsələ ilə bağlı Peşəkar Futbol Liqasının texniki-idman direktoru Elgiz Abbasov Qol.az saytına açıqlama verib. O, PFL-in belə qərar verməsini onunla izah edib ki, sözügedən matç həftə içi deyil, şənbə günü keçiriləcək: "Həmin gün qeyri-iş günüdür. Matçın 17:00-a təyin edilməsinin səbəbi isə onun mərkəzi oyun olmasından irəli gəlir".

Elə isə "Qarabağ"la "Neftçi" arasındakı prinsipial oyunlar niyə gec saatlada başlayıb? E.Abbasov bununla bağlı deyib:

“Qarabağ”la “Neftçi” arasındakı görüş bu mövsüm həftəsonuna təsadüf etmədiyindən gec saatlarda başlayıb. Bu ayın axırı keçiriləcək “Qarabağ” və “Neftçi” komandaları arasında matç 26 fevral Xocalı Soyqırımının 31-ci ildönümü gününə təsadüf etdiyindən biz onu 27 fevrala - bazar ertəsi gününə keçirmişik". 

PFL rəsmisinin sözlərinə görə, "Qarabağ" - "Sabah" matçının erkən başlamasında yayım faktoru əsas rolu oynayıb: "Fevralın 11-i saat 19:30-dan etibarən "CBC Sport"da klublararası dünya çempionatının oyunu nümayiş etdiriləcək. Biz daxili çempionatın keçirilmə vaxtları ilə bağlı qərar verməzdən əvvəl həm də yayımçı kanal olan "CBC Sport"la məsləhətləşirik. Fevralın 11-i klublararası dünya çempionatının oyunu bitəndən sonra “Qarabağ” – “Sabah” matçı yayımlamaq gec olardı. Ona görə də daha uyğun variant kimi 17:00-ı seçdik".

Azad Nuriyev

Daha çox


Son xəbərlər
03.03.24  20:18

Avro-2024-ü buraxacaq