17:50
Dünən Tovuzda əsl futbol bayramı yaşandı.
Peşəkar Futbol Liqasının bugün yaydığı açıqlamaya görə, Misli Premyer Liqasının 3-cü turundan təxirə salınan “Turan Tovuz” – “Qarabağ” oyununu 5500 tamaşaçı izləyib ki, bu da azarkeş sayı baxımında mövsümün rekordu deməkdir. Xoş mənzərə odur ki, tribunaları dolduran tovuzlu, eləcə də ətraf rayonlardan gələn azarkeşlər "Qarabağ"ı rəqib deyil, doğma komandaları kimi qarşıladılar. Matçın gedişatı zamanı onlar "Qurban, Qurban" sədaları səsləndirdi. "Turan Tovuz" "Qarabağ"a 0:2 hesabı ilə uduzsa da, matç bitəndə yerli publika Ağdam komandasını alqışlarla yola saldı.
Həmçinin oxuyun: Tovuzda mövsümün rekordu qırıldı
Bu, bir tərəfdən bir el-obanın yüksək qonaqpərvərliyinin, nəciblik və alicənablığının, o biri tərəfdən də azarkeşlərin timsalında nümunəvi futbol mədəniyyətinin, vəfasının göstəricisi idi. "Qarabağ", onun baş məşqçisi Qurban Qurbanova bu sevgi səbəbsiz deyil. Axı, uzun illər komanda Azərbaycanı Avropada layiqincə təmsil edir. Tovuzlu azarkeşlər bu müddətdə hər zaman "Qarabağ"a mənəvi dəstək olublar, onu təkcə teleekran qarşısından deyil, bəziləri uzun yol qət edib Bakıya gəlməklə tribunadan da dəstəkləyiblər. İndi isə "Qarabağ" Tovuza səfər etmişdi və komanda Tovuz camaatının isti münasibətini stadiona ayaq basdığı ilk dəqiqədən oranı tərk edən ana qədər hiss etdi.
Oyundan sonra keçirilən mətbuat konfransında da "Qarabağ"ın baş məşqçisi Qurban Qurbanov ilk növbədə bu məqama toxundu. O dedi: "İlk öncə bütün tovuzlulara təşəkkür etmək istəyirəm. Bizim komandanı çox xoş qarşıladılar. 25-26 il əvvələ getdim sanki. Burada xoş xatirələrim var. Uzun illərdir görmədiyim insanları gördüm bu gün. Ona görə də hər birinə təşəkkür edirəm. Komandaya uğurlar arzu edirəm. Ümid edirəm ki, “Turan Tovuz” gələcəkdə daha yaxşı nəticələr qazanacaq. Sağ olsunlar. Bizim bura gəlməyimiz onların sevinci idi. Çox duyğulandım. Azarkeşlərin “Qurban, Qurban” qışqırması çox xoş mənzərə idi".
Bu, "Qarabağ"a Tovuza 9 ildən son ilk səfəri idi. Bu səfər zamanı isə Ağdam təmsilçisi Tovuzdan 3 xaldan daha çox "Qarabağ" və "Qurban" sadaları, yerli azarkeşlərin rəqib komandanın oyunçuları ilə çəkil çəkdirməsi, avtoqraf alması, onlardan forması istəməsi kimi pozitiv və unudulmaz anlarla qayıtdı...
Bu, yerli camaatın "Qarabağ"a xalq komandası kimi yanaşmanın göstəricisi idi.
Premyer Liqa matçlarının tarixləri dəyişdirildi
Şəmkirdə vurulan 7 qol - Video
PSJ - "Bavariya" matçının heyətləri açıqlandı
Kurtua "El-Klassiko"ya hazırlaşır
FİFA-nı sülh mükafatını ləğv etməyə çağırdı
"Qalatasaray"ın hücumçusunu polisə şikayət etdilər
“Xankəndi” - “Qaradağ Lökbatan” matçından - Video
"Barselona" yenidən "Kamp Nou"nu tərk etməli olacaq
Rəhim Həsənov hakim qərarlarını təsdiqlədi - Video
"Liverpul"un hədəfinə tuş gəldi
Prezident yarımfinal matçının hesabını proqnozlaşdırdı
2-ci liqa: Liderlər heç-heçəyə razılaşdı
"Real"ın gənc oyunçusu Bundesliqa yolunda
“Atletiko” ona 120 milyon avro qiymət qoydu
10 illik dövrün sonu: "Mançester Siti"dən gedir
Xetaq Qazyumov: “Bu uğurla kifayətlənməyəcəyik”
"Fənərbaxça"da prezident seçkilərinin tarixi açıqlandı
Braziliya millisində daha bir itki - DÇ-2026-nı buraxacaq
Dimarko üçün 4 illik müqavilə
Uqo Lyoris Fransa millisinə qayıdır
Modriç əməliyyat olundu
