20:54
"Qarabağ"ın zədəli futbolçuları - müdafiəçi Bədavi Hüseynov və qapıçı Şahruddin Məhəmmədəliyevin durumuna aydınlıq gəlib.
Klubun mətbuat xidmətinin rəhbəri Gündüz Abbaszadə Qol.az-a açıqlamasında bildirib ki, oyunçuların vəziyyəti ağır deyil, lakin onlar komandanın bügünkü məşqində də iştirak etməyiblər. Həmçinin sözügedən futbolçular baş məşqçi Qurban Qurbanovun şans verəcəyi təqdirdə Avropa Liqasının qrup mərhələsinin 5-ci turunda "Nant"la səfər matçında oynaya bilərlər:
Həmçinin oxuyun: Bədavi Hüseynov zədələndi
“Bədavi ilə Şahruddinin zədəsi ağır deyil. Amma onların komandanın növbəti hazırlığında iştirak edib-etməyəcəkləri də bəlli deyil. Ancaq buraxılan məşqləri nəzərə alsaq, hər iki futbolçunun hazırlıq səviyyəsinin necə olacağını demək çətindir. Ona görə də həm Şahruddin, həm də Bədavinin "Nant"la oyunda meydana çıxıb-çıxmayacaqları ilə bağlı yekun qərarı baş məşqçimiz verəcək”.
Qeyd edək ki, Bədavi ötən gün Premyer Liqanın 11-ci turunda "Turan Tovuz"la matçda (3:0) sıradan çıxıb. Şahruddin isə komandanın məşqi zamanı zədələnib.
Xatırladaq ki, "Nant" - "Qarabağ" görüşü oktyabrın 27-si Fransada keçiriləcək.
Nur Zeynalova
"Neftçi"də itki
“Heç vaxt təslim olmayan “Barselona” görmək istəyirəm”
"Zirə" "Araz-Naxçıvan"ı belə məğlub etdi - Video
"Bütün baş verənlər bizim səhvlərimizin nəticəsi idi"
"Zirə" "Araz-Naxçıvan"a, "Kəpəz" "Sumqayıt"a qalib gəldi
Kamilo Durandan “Qarabağ”a xoş müjdə
Azərbaycan boksçusu erməniyə qalib gəldi
"Barselona"da qalır
