13:05
“Qarabağ” möhtəşəm oyunlar keçirir. Yunanıstanda “Olimpiakos”a 3:0 hesabı ilə qalib gəldikləri üçün təbii olaraq hamı komandadan yenə qələbə gözləyirdi”.
Bu sözləri Qol.az-a açıqlamasında futbol mütəxəssisi Bəxtiyar Musayev deyib.
Həmçinin oxuyun: "Digər klublarda hətta rəhbərlər də oyunçu gətirirlər, “Qarabağ”da isə..."
O, Avropa Liqasının qrup mərhələsində “Qarabağ”ın Bakıda “Olimpiakos”la qolsuz heç-heçəsini şərh edib. Bildirib ki, “Qarabağ”ın oyununu möcüzə adlandırmaq olar:
“Qarabağ” oynadığı futbolla, nəticələri ilə kiçik, bəlkə də böyük möcüzələr yaradır. Ona görə də camaat elə bilir ki, “Qarabağ” Avroliqanın hər oyununda qalib gəlməlidir. Amma rəqibin çempionatına, heyətindəki oyunçularına, büdcəsinə baxmaq lazımdır. “Qarabağ”ın baş məşqçisi Qurban Qurbanova təşəkkür edirəm ki, bizə belə gözəl anlar yaşadır. Bizim çempionatda “Qarabağ”a rəqib yoxdur. Bunu təəssüflə qeyd edirəm. Amma bununla belə, Qurban Qurbanov elə bir komanda yaradıb ki... Sadəcə möcüzədir. Bütün rəqiblərimizdən çempionatın səviyyəsi və büdcə baxımından xeyli aşağıdayıq. Deməli, burada məşqçi amili var. Futbolçular da sağ olsunlar ki, meydanda baş məşqçinin dediklərini düzgün yerinə yetirirlər. Biz gözəl bir futbol ailəsinin oyunlarını izləyirik. Ancaq böyük birlik olan yerdə özündən güclü rəqiblərə qarşı belə oynamaq olar".
Bəxtiyar Musayev
“Qarabağ”ın sabiq futbolçusu Ağdam klubunun göstərdiyi oyununa görə fəxr etdiyini bildirib: “Dünən də “Qarabağ” çox möhtəşəm çıxış etdi. Yalnız qol çatmırdı. Adlı-sanlı “Olimpiakos” ardıcıl 4-5 ötürmə edə bilmirdi.
Oyunu stadiondan izləyirdim. “Olimpiakos”un dünya şöhrətli futbolçu olmuş baş məşqçisi Miçel bir an dayanmadan futbolçularına irad bildirirdi. Bu da çox qürurvericidir. Bu cür komandaya qarşı “Qarabağ” elə oynadı ki, həqiqətən də fəxr etdim”.
Bəxtiyar Musayev “Qarabağ”ın qol vura bilməməsini yorğunluqla əlaqələndirib: “Kadinin də sona qədər oynaya bilməməsi hücumların kəsərini bir qədər azaltdı. İkinci hissədə “Qarabağ”da yorğunluq hiss olunurdu. Qəbələ səfərindən sonra komanda dincələ bilməyib. Amma “Qarabağ” çox möhtəşəm oynadı. Buna söz tapmaq olmur”.
B.Musayev onu da əlavə edib ki, bir xal hər iki komanda üçün normal nəticədir: "Amma qələbəyə çox yaxın olan “Qarabağ” idi. Bir xal da önəmli idi. Konfrans Liqasının pley-offu təmin olundu. Buna görə “Qarabağ”ı təbrik edirəm. İnşallah, “Nant”la səfər oyunundan qələbə ilə qayıdaraq Avroliqanın da pley-offunu təmin edərlər”.
Ramiq Ağaməmmədov
Manşet foto: PFL
“Barselona” “Feyenoord”u darmadağın etdi
Ramil Şeydayevin komandası məğlub oldu
“Fənərbaxça”dan Rusiya klubuna getdi
"Məğlubiyyət tamamilə mənim günahımdır"
Haaland ən yaxşı bombardirlərdən oldu
“Barselona” onu göndərməyə hazırlaşır
"Şahdağ Qusar" "Karvan-Yevlax"a qalib gəldi
Azərbaycan millisi Moldovaya məğlub oldu
Azərbaycan Kubokunda püşkatma mərasimi keçiriləcək
Kvaratsxeliyadan "Qızıl top" şərhi
“Sabah” özünə inamlıdır, yaxşı pressinq edir” - Maykl Karrik
"Sabah" "Mançester Yunayted"lə oyuna ciddi itki ilə çıxacaq
Azərbaycan millisi Gürcüstana yenə uduzdu
Kurtua Millətlər Liqasında oynamayacaq - Açıqlama
"Mançester Siti"dən ərəb klubuna keçdi
"Kəpəz"in kapitanı məşqdə zədələndi
Flik: “Çempionlar Liqasını qazanmağa qadirik”
Haaland Çempionlar Liqasında daha bir əfsanəni geridə qoydu
Lamin Yamal: “19 yaşında kapitan olmaq şərəfdir"
“Qarabağ”la vidalaşdı - Paylaşımı Azərbaycan dilində etdi
Messidən unikal rekord
ÇL-in oyunları bu kanallarda
İtaliya millisinin sabiq hücumçusu B Seriyasında
Okan Buruk "Sportinq"lə bugünkü oyun haqda
