“Qəbələ”nin kapitanı Asif Məmmədovun Qol.az saytına müsahibəsi
- Mövsümün sonuna bir tur qalmış Konfrans Liqasına vəsiqə qazandınız. Məhdud büdcə ilə bunu bacaracağınıza inanırdınız?
- Biz ötən mövsüm də yaxşı çıxış edirdik. Hətta bundan da yaxşı oynayırdıq. Sadəcə, həlledici anlarda nəsə çatmırdı. Bu da ona görə idi ki, “Qəbələ”nin büdcəsi azalandan sonra yeni komanda yığılırdı. Kiçik büdcə ilə yığılan komanda tam fərqli olur. Ona görə də ötən mövsüm avrokuboklara düşmək şassımızı itirdik. Bu mövsüm isə gözlənilməyən anlarda da qol vururduq. Bu da böyük bir üstünlükdür. Cavan oyunçularımız çoxdur. Getdikcə təcrübələri artdı ki, bu da müsbət nəticələr verdi. Bütün bunlardan sonra istəyimizə çatdıq. Təbii ki, biz uğur qazanacağımıza inanırdıq.
- Sosial şəbəkə hesabındakı paylaşımında qeyd etmisən ki, bu qələbə bizə inanmayanlara gəlsin. Kimdir sizə inanmayanlar?
- İnanmayanlar çox idi. Hətta başqa klublardan da danışırdılar ki, “Qəbələ” sona qədər gedə bilməyəcək. Girib hansısa paylaşıma bizim əleyhimizə şərh yazırdılar. Özü də bunu klub nümayəndələri edirdi. Bir daha göstərdik ki, sən saydığını say, gör, fələk nə sayır. Belə şeylər yolverilməzdir. Peşəkar klubun nümayəndəsi belə açıqlama verməməlidir. Əslində onlara təşəkkür edirəm ki, bizə əlavə stimul verdilər.
- Söhbət kimlərdən gedir?
- Var idi də... Öz oyunları qalmışdı qıraqda, bizim xallarımızı sayırdılar. Əslində bunlar bir tərəfdən normaldır. Məsələn, mən dünən “Sumqayıt”ın qələbəsini istəyirdim. Çünki bizə elə sərf edirdi. Amma bunu sizə bu gün deyirəm. Çünki artıq oyun olub. Birinci öz oyununa baxmalısan, sonra başqa komandanın xallarını hesablamalısan. Belə şeylər yolverilməzdir. Amma sağ olsunlar ki, enişdə olduğumuz vaxt həmin adamlar bizi ayıltdılar.
- Mövsümü bürünc medallarla başa vurmaq şansınız qalır. Bu mənada “Sabah”la son turdakı matçınıza necə yanaşırsınız?
- Bizə lazım olan hədəfə demək olar ki, çatmışıq. Çempionatın gedişində qarşımıza hədəf qoyulmuşdu ki, avrokuboklara düşməlisiniz. “Sabah”la oyuna da ciddi hazırlaşacağıq. Çünki 3-cü yeri tutmaq şansımız da var. Medal qazansaq, lap gözəl olar. Olmasa da, heç nə olmaz. Biz minumum hədəfə çatmışıq.
- Mövsümün gedişatında müəyyən dövr oldu ki, ardıcıl məğlubiyyət, xal itkiləri ilə üzləşdiniz. Hansı ki, 2-ci yer uğrunda yarışa bilərdiniz.
- Heyətimiz elədir ki, seçim imkanı azdır. Kiçik heyətimiz var. Hansısa futbolçu xəstələnəndə, zədələnəndə onun yerinə oyunçu tapmaq çətin olur. Bəzən 3-4 əsas futbolçumuz olmurdu. Məsələn, Urfan Abbasov hansı vəziyyətdə oyunlara çıxdığını bir Allah bilir, bir də komandadakı futbolçular. O ayaqla futbol oynamazlar. Sağ olsun ki, o vəziyyətdə sonadək kişi kimi oynadı. İnanmıram ki, onun yerində kimsə olsa, o vəziyyətdə meydana çıxardı. Fikir verdinizsə, Omar və Fernanın zədədən qayıtması bizə böyük üstünlük verdi.
- Konfrans Liqasına vəsiqə qazanmağınızın sevinci qədər bu turnirdə necə işirak edəcəyinizin qayğısı var. “Qəbələ”dən bu yarışda nə gözləmək olar?
- Sizinlə tam razıyam. Heyətə futbolçular cəlb etmək lazımdır. Bu heyəti saxlayıb, əlavə də transferlər edilsə, inanıram ki, ölkəmizi layiqincə təmsil edərik.
- Bir çox futbolçunun “Qəbələ” ilə müqaviləsi başa çatır və büdcə istənilən kimi deyil. Onları saxlamaq nə dərəcədə çətin olacaq?
- Bunları rəhbərlik bilər. Mən bu haqda nəsə deyə bilmərəm.
- Sənin də müqavilən başa çatır. Klubun yeni müqavilə ilə bağlı səninlə danışığı olub?
- Yox, hələ ki, heç bir danışıq olmayıb.
- Öz fikrin nədir?
- Saxlasalar, qalacam, saxlamaslar, yəqin ki, karyeramı bitirərəm.
- Yəni iki seçimin var?
- Hə, inanmıram ki, bu yaşda hardansa təklif gəlsin. Gəlsə, baxaram.
- Avqustda 36 yaşın tamam olacaq. Əslində son oyunlarına baxanda sənə bu yaşı vermək olmur. Özünü daha bir mövsüm oynamağa hazır sayırsan?
- Bu mövsüm oyunların 99 faizini əsas heyətdə oynamışam. Çoxunda da sona qədər meydanda olmuşam. Özünüz fikirləşin (gülür). Təbii ki, özümü oynamağa hazır sayıram. Nə vaxt görsəm ki, oynamağa hazır deyiləm, əlimi qalıdırıb deyəcəm ki, sağ olun, mən getdim. Nə qədər ki, bu sözü deməmişəm, deməli, hazıram.
Ramiq Ağaməmmədov
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
Hidayət Heydərov yarımfinalda - Avropa çempionatı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu