Ötən ilin dekabr ayında "Mançester Yunayted"dən qovulan Joze Mourinyo indiyə qədər vaxtından əvvəl istefaya göndərildiyinə görə 51 milyon funt-sterlinqə yaxın (təqribən 65 milyon dollar) təzminat alıb.
Qol.az Rusiya mətbuatına istinadən xəbər verir ki, bunun ikisi "Çelsi"dən, biri isə "Mançester Yunayted"dən qovulduqdan sonra olub.
"Çelsi" - 2007
Mourinyo 3 mövsümdə 2 çempionluq titulu və Çempionlar Liqasında 2 yarımfinaldan sonra "Stemford Bric"i tərk etdi. Bu müddət ərzində portuqaliyalının klub rəhbərliyi ilə bir çox problemi oldu: Frank Arensen və Avraam Qrantın çox sevilməsi onun xoşuna gəlmirdi, Andrey Şevçenko və Mixael Ballakın transferinə qarşı idi, qış transfer pəncərəsində komandaya mərkəz müdafiəçisi alınmaması narazılığına səbəb oldu. 2007-2008 mövsümü Premyer Liqa ("Aston Villa"ya məğlubiyyət, "Blekbörn"lə heç-heçə) və Çempionlar Liqasında ("Rusenburq"la heç-heçə) pis nəticələrlə başladı və Mourinyo 23 milyon funt-sterlinqdən çox təzminatla "Çelsi"dən getdi. 6 ildən sonra isə geri qayıtdı.
"Çelsi" - 2015
İkinci dəfə "Çelsi"nin baş məşqçisi olan Mourinyo komandanı 2014-2015 mövsümünün çempionu etdi. Bütün mövsüm ərzində "zadəganlar" cəmi 3 oyunda uduzdular, ancaq tezliklə hər şey yenə yolunda getmədi. Yeni mövsümün startında Mourinyo Eva Karneyra ilə mübahisə etdi, daha sonra Eden Hazardla münasibətləri korlandı, dekabrın ortalarına doğru isə çempion sanki qış yuxusuna getdi və 16 oyundan 9-nu uduzdu. Həmin mövsümün qalibi "Lester"ə məğlubiyyət həlledici oldu. 1:2 hesabı ilə uduzduqları oyundan sonra Mourinyo dedi ki, futbolçular ona xəyanət ediblər. 3 gün sonra isə "Çelsi"nin prezidenti Bryus Bakla 10 dəqiqəlik söhbətdən sonra Joze 8,3 milyon funtluq təzminatla istefaya göndərildi.
"Mançester Yunayted" - 2018
"Liverpul"a 0:3 hesablı məğlubiyyətdən sonra "Enfild" stadionunda Ed Vudvord, Aleks Ferqyusson və "Mançester Yunayted"in sabiq icraçı direktoru Devid Hillin iştirakı ilə iclas keçirildi. İki gün sonra səhər saat 9-da klubun Karrinqtonda yerləşən bazasında Vudvordla Mourinyonun yenidən görüşü oldu və 45 dəqiqə davam etdi. Joze qovulduğunu da elə həmin vaxt bildi. Müqaviləyə vaxtından əvvəl xitam verildiyi üçün Mourinyo və onun məşqçi heyəti 19,6 milyon funt təzminat aldı.
Mourinyo yalnız 2013-cü ildə "Real"dan qarşılıqlı razılıq əsasında ayrılıb. Buna görə də Madrid klubunun portuqaliyalı mütəxəssisə müqavilədə qeyd olunan 17 milyon funt-sterlinq məbləğində təzminatı ödəməsinə ehtiyac qalmayıb.
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi
Robin van Persi baş məşqçi təyin edildi
Fatih Terim istefa verdi
Yasin Benzia "Qarabağ"dan ayrılırmı?
"İmişli"nin legioneri 5 oyunluq cəzalandırıldı
AFFA rəhbərliyi FİFA-nın Konqresində