"Sabah"ın yarımmüdafiəçisi Erik Ramos Qol.az-a müsahibə verib. Topaz Premyer Liqanın 4-cü turunda "Qəbələ"ni 1:0 hesabı ilə məğlub etdikləri oyundan danışan paraqvaylı futbolçu maraqlı fikirlər səsləndirib.
- Əvvəlcə dünənki qələbə münasibətilə sizi təbrik edirəm. Oyunla bağlı fikirlərinizi bilmək maraqlı olardı...
- Təbrikə görə çox sağ olun. Həqiqətən çox çətin qarşılaşma oldu. İlk hissədə oyuna yaxşı nəzarət etdik və qol vurduq. İkinci yarıda isə meydanda azlıqda qaldıq. Bundan sonra oyun olduqca mürəkkəbləşdi.
- Oyundan sonra "Qəbələ"nin futbolçusu Təmkin Xəlilzadə mətbuata açıqlamasında bildirib ki, "Sabah" cəmi 1 dəfə hücum etdi, onda da qol vurdu...
- Razıyam, ikinci hissədə rəqibin xeyli qol fürsəti oldu, amma yararlana bilmədilər. Çox yaxşı müdafiə olunduq. Saşa Stamenkoviç fantastik çıxış etdi.
- 4 turdan sonra 9 xal toplamısınız və 2-i pillədəsiniz. Mövsümə uğurlu başlamağınızın sirri nədədir?
- Uğurun sirri məşqlərdə çox işləməyimiz və yaxşı kollektivimizin olmasıdır. Mən hər şeyi bununla əlaqələndirərdim.
- Yəqin ki, mövsümün əvvəlində siz özünüz də komandada bu cür yaxşı başlanğıc gözləmirdiniz...
- Bizim yaxşı komandamız var. Məhz bu səbəbdən yaxşı oyun göstəririk. Lakin hələ də oyun təfəkkürümüz azdır.
- Növbəti turda "Səbail"lin qonağı olacaqsınız. Sizcə, uğurlu seriyanı davam etdirmək mümkün olacaq?
- Çox gərgin oyun olacaq. Çünki "Səbail" ev oyunlarını süni meydançada keçirir. Bu isə matçı bizim üçün daha mürəkkəb edəcək.
- İki illik fasilədən sonra yenidən Azərbaycana qaytıdınız. Futbolumuzda nə kimi dəyişikliklər gördünüz?
- O vaxt burada oynayanda 12 komanda var idi. Çempionat daha maraqlı idi. İndi isə cəmi 8 klub qalıb. Bu baxımdan bir az gerilik hiss olunur. Qalan hər şey qaydasındadır.
- Premyer Liqanın 7-ci turunda "Neftçi" səfərinə yollanacaqsınız. 4 il bu komandanın şərəfini qorumusunuz. Maraqlıdır, həmin oyuna hansı hisslərlə çıxacaqsınız?
- Sizin də vurğuladığınız kimi, 4 il "Neftçi"nin formasını geyinmişəm. Bu komandada xeyli xoş xatirələrim var. İndi isə onlara qarşı oynayacağam. Bu, məndə qəribə hislər oyadır.
Elnur SALAHOV
"Ağdaş"dan qələbə
“Bir neçə məşqçi ilə danışıqlar gedir” - AFFA-dan açıqlama
"Füzuli" Göygöldə 3 xalı belə qazandı - Video
Kosta 100-dən çox insanı xilas etdi
"Şahdağ Qusar"ın 4 qolu - Video
İkiqat Avropa çempionu müharibədə həlak oldu
Tiaqo Silvanın yeni klubu rəsmiləşdi
"Şahdağ Qusar"dan darmadağın, "Füzuli" qalib gəldi
Şehiç milli karyerasını başa vurdu
Acun "Hall Siti"nin baş məşqçisini istefaya göndərdi
Poqba komediya filminə çəkildi
Futzal üzrə Azərbaycan kubokunun qalibi bəlli oldu
İngiltərə klubunun şikayəti rədd edildi
"Atletiko" Poçettino ilə danışıq aparır
"Real" - “Bavariya” oyununa hakim təyinatları açıqlandı
Luis Enrikedən iddialı açıqlama
U-17 millisi Türkiyəyə böyük hesabla uduzdu
"İnter"dən Lautaro Martinesin gələcəyi ilə bağlı açıqlama