11.05.25
"Zirə"nin baş məşqçisi Ayxan Abbasov Qol.az-a müsahibəsində komandasının Antalya hazırlığından, Topaz Premyer Liqanın 15-ci turunda sabah "Sumqayıt"la keçiriləcək oyundan və digər məsələlərdən danışıb.
- Antalya toplanışı istədiyiniz kimi keçdi?
- Bəzi çatışmazlıqlarımız var idi. Toplanış zamanı da görünürdü. Əsas məqsəd də yoxlama oyunlarında bu nöqsanları tapıb, aradan qaldırmaq idi. Oyunlardan müəyyən nəticələr çıxardıq. Çatışmazlıqlar indi də var. Bunun üzərində işləyirik. Çalışacağıq ki, çempionat oyunlarında tədricən aradan qaldıraq.
- Topaz Premyer Liqada fasilə başa çatır. Sabah "Sumqayıt"la qarşılaşacaqsınız.
- Bilirik ki, "Sumqayıt" çempionatımızda ən əzmkar komandadır. Bunu kubok oyununda da göstərdilər. "Qarabağ" kimi komandanı mübarizədən kənarlaşdırdılar. Çətin oyunlardan biridir. "Sumqayıt" da Antalyada yaxı hazırlıq keçib. Bəzi yoxlama oyunlarını izləmişik. Evdə oynayacağıq, bir qədər üstünlüyümüz var. Ancaq yenə də çətin görüş olacağını düşünürəm.
- Komandanızda zədəli və ya cəzalı durumda olan futbolçular var?
- Anar Nəzirovla Jozef Bum zədəlidir. Riçard Qadze ilə Vüqar Mustafayev isə sarı vərəqə limitini doldurduqlarından cəzalı durumdadırlar.
- Kapitan Anar Nəzirov uzun müddətdir zədə səbəindən meydana çıxmır. Hazırda durumu nə yerdədir?
- Vəziyyəti yaxşıdır. Bir həftədən sonra tam hazır olacaq. Sadəcə, oyun təcrübəsi sarıdan əziyyət çəkir. Ona görə "Sumqayıt"la oyunda Kamal Bayramova şans verəcəyik. Anar isə əvəzedici komandada təcrübə toplayacaq.
- Dörd yerli, iki əcnəbi futbolçu transfer etdiniz. Baxışda olan bəzi futbolçular isə geri göndərildi. Yeni transferləriniz hansı keyfiyyətlərinə görə seçilirlər?
- Transferlərimizin hamısını izləyirdik. Onları bəyənmşdik. Qışda transfer etmək çətindir. Ona görə də icarəyə üstünlük verdik. Azad agent statusu olan futbolçular bizi qane etmədi. Bəzilərini baxışa çağırdıq, ancaq onlardan istədiyimizi ala bilmədiyimiz üçün geri göndərdik. Bizi qane edənləri heyətə cəlb etmişik. İnanıram ki, etimadı doğruldacaqlar.
- İstədiyiniz trasnferləri həyata keçirə bildiniz?
- Bildiyiniz kimi, komandanı bir neçə futbolçu tərk etdi. Demək olar ki, onların yerini doldura bildik.
- Bu gün Azərbaycanda qış trasnfer pəncərəsinin sonuncu günüdür. Gün ərzində yeni transferin olacağı mümükündür?
- Moldova millisinin üzvü Aleksandr Dedovla razılıq əldə etmişik. Bu gün Bakıya gələcək. 1.5 illik müqavilə imzalamaq fikrimiz var. Bir neçə futbolçu ilə hələ də danışıqlar gedir. Ola bilər ki, həmin futbolçulardan hansısa klubu ilə razılaşıb, bizə gəlsin. Ancaq bu dəqiqə cavab yoxdur.
- Çempionatın ikinci yarısından nə gözləmək olar?
- Təbii ki, çempionatımız fərqlənəcək. Bundan sonrakı oyunlar tam başqa cür olacaq. Bunu bütün mütəxəssislər deyir. "Kəpəz", "Keşlə" və "Səbail" heyətinə xeyli futbolçu cəlb edib. Hansı ki bu komandalar aşağı pillələrdə qərarlaşıb. İndi onlar da yuxarı yerlər uğrunda mübarizəyə qoşulacaq. Məncə, daha kritik oyunlar olacaq.
Ramiq AĞAMƏMMƏDOV
Futbol tarixində ilk
"Difai" – "Hypers Guba" matçında 4 qol - Video
"Traktor" baş məşqçisi ilə yeni müqavilə imzaladı
Anri: "Gördüyüm ən mükəmməl hücumçudur"
"Liverpul"un təklifinə razıdır
"Şamaxı" növbəti ayrılığı rəsmən təsdiqlədi
"Bavariya" onunla razılaşdı
1-ci liqada yerlərini qorudular
"Zirə" Konatenin transferini rəsmən açıqladı
Mövsümün ən yaxşısı: Mbappe!
"Arsenal" son nöqtəni qoydu
Arbeloanın təyinatı açıqlandı
Tanzaniyalı futbolçu "Şamaxı"da qaldı - Rəsmi
Konfrans Liqasının finalından öncə qalmaqal
"Qarabağ" mütləq rekordçu, "Sabah" ilk dəfə
Salah: "40 yaşıma qədər oynaya bilərəm"
Arne Slot İngiltərənin ən yaxşısı seçildi
Polşa millisinə dəvət alan "Qarabağ"lı - "Mən şokdayam"
Orxan Məmmədov: “Tarixi qələbə qazandıq”
Konfrans Liqasının finalı bu kanallarda
"Araz-Naxçıvan" iki futbolçu ilə müqaviləni uzatdı
Modriç Ronaldo və ya Messinin komanda yoldaşı ola bilər
"Mourinyo bütün Türkiyəni təhqir edir" - Okan Buruk
"Barselona" yeni qapıçı transferi ilə bağlı razılığa gəldi
Millimizi 1/4 finala yüksəldən qələbə - Video
Arda Turan rəsmən "Şaxtyor"da
Azərbaycan millisi və daha 3 komanda 1/4 finala adladı - DÇ
"Barselona" Yamalla rəsmən yeni müqavilə imzaladı
"Mançester Yunayted"də bədən dili üzrə mütəxəssis çalışıb
Yamal "Barselona" ilə 6 illik müqavilə imzalayır
FIFA Fransa klubuna transfer etməyə qadağa qoydu
De Brüyne "Napoli" ilə neçə illik müqavilə imzalayacaq?
Millimizin futbolçusu Niderland klubunda
Azərbaycan millisi toplanışa başladı - Şəkillər
"Qarabağ"ın qapıçısı Polşa millisində
