16.11.18
Bakı "İnter"inin prezidenti Georgi Nikolov Avropa Liqasında iştirak etməyəcəkləri və bu komandanı AZAL-ın əvəz edəcəyi haqda xəbərlərə münasibət bildirib
Qol.Az-ın məlumatına görə, o, "Futbol+" qəzetinə müsahibəsində bildirib ki, komanda bu yay Avroliqada oynayacaq:
"Sizi əmin edirəm ki, "İnter" bu yay Avroliqada iştirak edəcək. Ola bilsin, çıxışımız o qədər də uğurlu alınmaz. Ancaq geri çəkilməyəcəyik".
G.Nikolov deyib ki, klubu tərk edən futbolçuların əvəzinə yeni oyunçularla anlaşacaqlar:
"Özünüz də bilirsiniz ki, bizə inanmayıb klubu tərk edən futbolçular çox oldu. İndi məcburuq ki, onların əvəzinə yeni oyunçular alaq. Heyətdə əsaslı dəyişikliklər olanda bu, istər-istəməz komanda oyununa təsir göstərir. Əvəzedici heyətdən ən yaxşıları əsas komandaya dəvət edəcəyik, təcrübəli legionerlərlə anlaşacağıq. Bir sözlə, təcrübəlilərlə gənclərin vəhdətindən formalaşmış, rəqabətə davamlı heyət qurmaq niyyətindəyik".
Qeyd edək ki, "İnter" bu mövsüm Azərbaycan Premyer Liqasının ikinci pillədə başa vuraraq Avroliqaya vəsiqə qazanıb. Son vaxtlar maliyyə problemi ilə üzləşən paytaxt təmsilçisinin qitənin ikinci nüfuzlu turnirində iştirak etməyəcəyi iddia olunur.
Avropa Liqasında 18 oyun
“Qarabağ”dan möhtəşəm qələbə!
Levandovski okeanın o tayına yollana bilər
ÇL-də 100-cü oyununa çıxdı
“Qarabağ” - “Ayntraxt” matçında ciddi problem yarandı
Afrika Kubokunun ən yaxşıları bilindi
