07.04.26
“Rəvan” klubunun kapitanı Miloş Zeçeviçin Qol.Az saytına müsahibəsi
- Bu həftənin bazar günü Premyer Liqada turnir cədvəlinin liderlərindən olan “İnter”ə qarşı oynayacaqsınız. Rəqib komanda haqda nə düşünürsən?
- “İnter” çempionatın ən yaxşı komandalarındandır. Rəqib topla çox gözəl rəftar edir, yaxşı ötürmələrlə oynayır. Baş məşqçiləri də təcrübəlidir. Bizim üçün çox ağır oyun olacaq.
- Həm kubok, həm də ağır keçən çempionat oyunları sizi yormayıb ki?
- Futbolçularımızın fiziki durumu əladır. Məncə, “Rəvan” hər iki cəbhədə mübarizə aparmağa qadirdir. Sadəcə, bəzi oyunlarda hakimlərin yanlış qərarlarının qurbanı olduq. Gərək onlar belə etməyəydi. Bu isə uşaqlara çox pis təsir edir.
- “İnter” öz meydanında inamlı çıxış edir. Belə olan halda sizin səfərdən üç xal gətirmək şanslarınızı necə dəyərləndirirsən?
- Bunu yaxşı anlayırıq. Lakin biz səfərdə “Qəbələ” kimi güclü komandadan üç xal almağı bacarmışdıq. Niyə də bunu “İnter”lə oyunda edə bilməyək? “Rəvan” həm evdə, həm də səfərdə yaxşı nəticələr qazanmağı bacarır. Sona qədər mübarizə aparacağıq. Fikrimcə, “İnter”in meydanından üç xal gətirə bilərik.
- Bir müdafiəçi kimi “İnter”in hansı futbolçundan ehtiyat edirsən?
- Mənim üçün rəqibin ən təhlükəli futbolçusu Makedoniyalı Slafço Georgiyevskidir. Onun hücumçulara çox hiyləgər ötürmələri olur. Özü də yüksək texnikaya malikdir. Demək olar “İnter”in bütün hücumları bu futbolçudan qurulur.
- Hazırda turnir cədvəlinin 9-cu pilləsində qərarlaşmısınız. Səncə, qış fasiləsinə qədər ilk “altılıq”da yer ala biləcəksiniz?
- Turnir cədvəlinə fikir versəniz görəcəksiniz ki, bizdən irəlidəki rəqiblərimizlə xal fərqimiz çox azdır. Buna görə də, 1-2 qələbə qazanmaqla digər komandaları arxada qoya bilərik. Hər şey qarşıda keçirdiyimiz oyunların nəticəsindən asılı olacaq. Məncə, bunu bacara bilərik.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
