02.11.24
AZAL klubunun baş məşqçisi Vaqif Sadıqovun Qol.Az saytına müsahibəsi
- Premyer Liqanın 13-cü turu sizin üçün uğursuz oldu. “Rəvan”la matçın 84-cü dəqiqəsində qol buraxaraq məğlubiyyətə uğradınız.
- Biz bu görüşdə yalnız qələbə üçün oynayırdıq. Buna görə də əlimizdən gələni edirdik. İkinci hissədə oyuna çox fəal başladıq. Rəqibi öz qapısına doğru sıxışdırmışdıq. Lakin təəssüf ki, müdafiədə çoxluq yaradan rəqib qol vurmağımıza imkan vermədi. “Rəvan” əks hücumların birində müdafiəmizin kobud səhvindən sonra qapımıza qol vurdu. İki ötürməylə bizim müdafiəmizi yara bildilər. Hətta mətbuat konfransında baş məşqçi Kemal Alispahiç bilridi ki, oyunun ədalətili nəticəsi heç-heçə idi. Lakin mən heç-heçədən danışmaq istəməzdim. Çünki məqsədimiz yalnız qələbə qazanmaq idi.
- Məğlubiyyətinizin əsas səbəbini müdafiənizin zəif oyununda görürsünüz?
- Təkcə müdafiəni deməzdim. Bu gün biz müdafiəni də hücumdan qururuq. Kemal Alispahiç özü də bildirmişdi ki, bu gün AZAL səfərdə yüksək pressinq edən, daha çox hücuma üstünlük verən komandadır. Mən hesab edirəm ki, “Rəvan”la oyunda hücumda o qədər də kəsərli deyildik. Ona görə hücum xəttindən də razı qalmadım. Qələbə qazanmağımıza ön xətt futbolçularımızın zəif oyunu da səbəb oldu.
- Fikrinizcə, rəqib sizi hansı göstəricilərdə üstələdi?
- “Rəvan”ın üstünlüyü nizam-intizamlı oynaması oldu. Bu, mənim çox xoşuma gəldi. Rəqib bunu tam şəkildə həyata keçirməyə çalışırdı. “Rəvan” ikinci yarıda bizə orta sahəni bizə verərək əks-hücumlarda qol vurmağa çalışırdı. Əslində biz buna hazır idik. Sadəcə, ikinci hissədə üstün olduğumuzu başa düşərək hücum etməyə çalışdıq. Hardasa bir az ehtiyatsızlıq etdik. Rəqin isə bundan maksimum yararlandı.
- Oyun boyu çox əsəbi görünürdünüz. Əvvəllər isə belə deyildi.
- Yox, mən elə çempionatın ilk qarşılaşmalarında qazandığım uğurlar zamanı da aqressiv olurdum. Qələbə qazananda da, uduzanda da beləyəm. Çünki komandamla meydanda bir yerdə mübarizə aparıram. Komandamızda isə problem yoxdur. Çünki rəhbərlik tərəfindən də mənə çox dəstək var. Sadəcə, mən komandanın qarşısına yüksək vəzifə qoyuram. Bu il bizim minimum vəzifəmiz ilk “altılığ”a vəsiqə qazanmaqdır. İnanıram ki, buna nail olacağıq.
- Futbolçunuz Bronislav Arsenijeviçə çox əsəbləşmişdiniz. Onun barəsində nə fikirdəsiniz? Qışda bu futbolçunu komandadan göndərəcəyiniz barədə xəbərlər yayılıb.
- Hər bir oyunçu səhv edə bilər. Yalnız mənim xoşuma gəlməyən odur ki, Bronislav rəqibin hücumu sərbəst başlamasına mane olmadı. Ən əsası isə öz komanda yoldaşıyla mübahisəyə girərək, ona aid olan rəqib futbolçunu nəzarətsiz buraxdı. Yəni intizamsız hərəkət etdi. İnanıram ki, bu səhvləri bir daha təkrarlamayacaq. Biz Bronislavı komandadan göndərmirik, göndərmək fikrimiz də yoxdur. Hazırda birləşərək məqsədimizə nail olmalıyıq. Mən ona güvənirəm.
Əli HƏYATİ
_22.01.19.jpg)
30 yaşdan sonra 450 qol
Nistelroy Premyer Liqaya qayıdır?
Kimpembe 638 gündən sonra geri dönür
Ronaldodan dubl, "Əl-Nəsr"dən qələbə
"Vəzifəmizin öhdəsindən gəldik" - Anton Krivotsyuk
"Qalatasaray"ın futbolçusu 1 ay oynamayacaq
Əvəzedicilər liqasında 14-cü tura yekun vuruldu
Əməliyyat olunan kapitan məşqlərə başladı
AFFA rəsmisi mübahisəli epizodları şərh etdi
Kurban Berdıyev "Turan Tovuz-2"in oyununu izlədi - Şəkillər
“Sabah”a yeni baş məşqçi təyin olundu - Rəsmi+Şəkillər
2-ci liqada 7 oyunun hakimləri bilindi
"Qarabağ" - "Lion" oyununa satılan biletlərin sayı açıqlandı
Amorim: "Mançester Yunayted" uzun müddət əziyyət çəkəcək"
"Real"da şok itki
Tanınmış komanda azarkeşlərinin hücumuna məruz qaldı - Video
"Klubdan yeni təklif almamışam, çox məyusam"
"Sabah"ın yeni baş məşqçisi bu əcnəbi olacaq?
Millimizin Rusiya ilə oyunlar üçün heyəti
"Sabah" baş məşqçisini istefaya göndərdi
Simeone gedəcək, yoxsa qalacaq? - Açıqlama
Kuper istefaya göndərildi
MEDİA müsabiqə elan edib
