07.04.26
“Qəbələ” klubunun kapitanı Rəşad Abdullayevin Qol.Az saytına müsahibəsi
- Premyer Liqanın XIII turunda doğma meydanda “Kəpəz” lə qarşılaşacaqsınız. Bu matçdan nə gözləyirsiniz?
- Evdə çıxış etdiyimiz üçün üstünlüyün bizim tərəfimizdə olacaq. Lakin Gəncə təmsilçisinin bir az qapalı oyuna üstünlük verəcəyi dəqiqdir. Unutmaq lazım deyil ki, “Kəpəz” ilk dövrədə “Qəbələ”ni Gəncədə 1:0 hesabıyla məğlub etmişdi. Onlar Qəbələyə xal dalınca gələcəklər. Biz isə artıq iki turdu ki, güclü rəqiblər üzərində qələbə qazanırıq. Bu mənada, “Kəpəz”lə görüşdə fürsəti əldən buraxmaq olmaz.
- “Kəpəz” bir çox iddialı kluba başağrısı olub. Öz meydanınızda “Turan”a uduzmuşdunuz. “Kəpəz”lə görüşdə həmin uğursuzluq təkrarlana bilərmi?
- Allah eləməsin. Çünki “Turan”la oyun bizə dərs oldu. Həmçinin hava şəraiti də nəticəyə öz təsirini göstərmişdi. Çalışacağıq ki, “Kəpəz” lə oyunda belə səhvlərə yol verməyək. Əlimizdən gələni etməliyik ki, ilk dəqiqələrdən erkən qol vuraq.
- Yəqin ki, baş məşqçiniz Ramiz Məmmədovla rəqibinizi yaxşı təhlil etmisiniz. Gəncə təmsilçisi tez-tez taktikasını dəyişən və sabit çıxış edən komanda deyil.
- Ramiz müəllimin işində ən bəyəndiyim şeylərdən biri də orta və sonuncu pillədə gedən rəqibləri daha çox və dərindən analiz etməsidir. O, futbolçuları belə oyunlara yaxşı kökləməyi bacarır. Çünki adətən sonuncu yerdə olan komandalarla oyunda motivasiya az olur, arxayınçılıq yaranır. Mən “Kəpəz”i sürpriz komanda sayıram. Belə komandalarla oyunda istənilən nəticə qeydə alına bilər.
- Dünən çempionluğa iddialı olan rəqibiniz “Neftçi” “Sumqayıt”ı 8:1 hesabıyla darmadağın etdi. “Qəbələ”dən “Kəpəz”lə oyunda eyni şeyi gözləmək olar?
- Artıq özümüzə gəlmişik. Hər oyunda ən azı iki qol vururuq. Nəzərə alsaq ki, bizdə “qol maşın”ları var, niyə də bunu etməyək? Lakin mənim üçün ən vacib məsələ maksimum nəticə qazanmaqdır. Hansı hesabla olursa-olsun, əsas məsələ qələbə qazanaq.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
