28.10.25
Azərbaycan milli komandasının və “Simurq”un müdafiəçisi Rasim Ramaldanovun Qol.Az saytına müsahibəsi
- Şimali İrlandiya ilə görüşdə millidə debüt oyununa çıxdın. Öz çıxışından razı qaldınmı?
- Əslində bunumütəxəssislər və media daha yaxşı qiymətləndirə bilər. Düşünürəm ki, ilk oyunum olduğu üçün pis alınmadı. İstədiyim kimi alınmasa da, normal oldu.
- Rəqibin sürətli hücumlarının qarşısını almaqda çətinlik çəkirdiniz. Niyə?
- Belə hücumların qarşısını almaq asan olmur. Havanın yağışlı olması işimizi daha da ağırlaşdırırdı. Çünki bizim futbolçular Şimali İrlandiya seçməsindən fərqli olaraq, belə havada oynamağa alışmayıblar. Onu da nəzərə alaq ki, rəqibin futbolçularının yarısından çoxu İngiltərə, Şotlandiya premyer liqalarında oynayır. Lakin bütün bunlara baxmayaraq, işimizin öhdəsindən gəlməyi bacardıq.
- Amma komandamızda oyun quruculuğu çox zəif idi.
- Axı biz səfərdə hücum futbolu nümayiş etdirə bilməzdik. Daha çox müdafiədən hücuma keçməliydik. Bu, baş məşqçi Berti Foqtsun tapşırığı idi. Özünüzdə gördünüz ki, daim rəqibin basqısı altındaydıq. Hücum etmək çətin olurdu. Təəssüf ki, sonda buraxdığımız qol bizi qələbədən etdi. Bu qola hər kəs çox üzülmüşdü. Xüsusən də qapıçı Səlahət Ağayev.
- İndi keçək Premyer Liqada qarşılaşacağınız “Qarabağ”la oyuna. Bu matçı necə dəyərləndirərdin?
- Rəqibimiz çox güclüdür. Həmçinin futbolçularının çoxusu millidə oynayır. Demək olar ki, bütün klublarımız “Qarabağ”la oyunda çətinlik çəkirlər. Təəssüf ki, mən də daxil olmaqla bir neçə əsas futbolçumuz zədəli və cəzalı olduğundan bu görüşdə meydana çıxmayacaqlar. Amma bunlara baxmayaraq, “Qarabağ”dan xal almaq istəyirik.
- Sənin meydanda olmamağın müdafiənizdə boşluqlar yarada bilərmi?
- Mən cəzalı olduğum üçün komandama kömək edə bilməyəcəm. Heç cəzalı olmasam belə, “Qarabağ”la oyuna meydana çıxmayacaqdım. Çünki zədəliyəm. Hələ 3-4 gün müalicə almalıyam. Yəqin ki, növbəti turun oyununa qədər hazır olacağam. O ki qaldı komandamın mənsiz çıxışına, əvəzolunmaz futbolçu yoxdur. İnanıram ki, mənim yoxluğumda digər futbolçumuz işinin öhdəsindən layiqincə gələcək.
- Heç-heçə “Simurq” üçün qənaətbəxş hesab oluna bilər?
- Belə deməzdim. Çünki qarşımıza qoyulan məqsəd hər bir oyundan üç xal götürməkdir. Düzdü, məğlub da ola bilərik.
- Necə düşünürsən, turnir cədvəlinin ikinci pilləsindəki mövqeyinizi qış fasiləsinə qədər qoruyub saxlaya biləcəksiniz?
- Əgər belə uğurlu çıxışlar etsək, niyə də yox?! Ancaq unutmaq lazım deyil ki, qarşıda bizi çətin rəqiblərlə oyunlar gözləyir. Buna görə də öncədən nəyisə əminliklə söyləyə bilmərəm. Komandam “Qarabağ”la oyuna isə maksimum xal üçün meydana çıxacaq.
Əli HƏYATİ
PSJ Dembeleni itirdi
Kimmix ÇL-də 100-ə çatdı
Mbappedən penalti qərarı - Hamısını özü vuracaq
“Mançester Yunayted” bu mövsüm Premyer Liqanı qazanmayacaq"
"Real";n rəhbərliyi Vinisiusun davranışlarından narahatdır
"Xankəndi"nin qələbəsindən - Video
Haaland özünü Messi və Ronaldo ilə müqayisə etmədi
İslam Oyunlarında iştirak edəcək güləşçilər müəyyənləşdi
“Qalatasaray” "Ayaks"la matça itki ilə çıxacaq
“Tofiq Bəhramov”da güclü yağış altında məşq - Video
Azərbaycan futzal millisi İslamiadaya qələbə ilə start verdi
“Beşli müdafiə ilə oynamağı xoşlamıram”
“İnter”lə oyun özümüzü göstərmək üçün böyük şansdır”
Qurban Qurbanov "Çelsi" ilə oyun haqda
Dibalanın durumu açıqlandı
