28.10.25
Azərbaycan milli komandasının sabiq hücumçusu Samir Əliyevin Qol.Az saytına müsahibəsi
- İki gün sonra millimiz DÇ-2014 ilin seçmə mərhələsində millimiz səfərdə Şimali İrlandiyayla qarşılaşacaq. Yığmamızın sabiq üzvü kimi bu görüş haqda fikirlərini bilmək maraqlı olardı.
- Əgər irlandlar səfərdə Portuqaliya ilə heç-heçə ediblərsə, deməli, zəif komanda deyillər. Rəqibin futbolçularının əksəriyyəti İngiltərə, Şotlandiya klublarında forma geyinirlər. Məncə, millimiz üçün asan olmayacaq.
- Vaxtı ilə sən də bu yığmaya qarşı oynamısan. Səncə, hansı vaxtdakı Şimali İrlandiya daha güclüdür?
- Mən onlara qarşı oynadığımız matçda 0:2 hesabıyla məğlub olmuşduq. Lakin indi daha güclü olduqlarını düşünürəm. Çünki hazırda daha çox sürətli futbola üstünlük verirlər. Hava mübarizələrində üstünlükləri var. Mən oynadığım zamanda da onların stadionu ağzına qədər dolu olurdu. Möhtəşəm azarkeş dəstəyinə malikdirlər.
- Bəs bizim yığmamıza çağırılan futbolçuların səviyyəsi sən qane edirmi?
- Elə eyni futbolçular milliyə çağırılır. Uzaqbaşı 1-2 futbolçu dəyişikliyi olur. Berti Foqtsun komandasında demək olar ki, daim eyni futbolçuları görürük. Həmçinin, oyunları da eyni üslubdadır. Millimizin oyununda maraqlı, futbola rəng qatan nəsə görmürəm. Futbolçuları qınamıram. Meydana çıxanda nə bacarırlar onu da edirlər.
- Sənin fikrincə, İsrail, Portuqaliya və Rusiyayla oyunlarda komandamız necə təsir bağışladı?
- Hər bir komandanın özünəməxsus oyun üslubu olur. Lakin bu, bizdə yoxdur. Mən hələ elə bir gözəçarpan yenilik görmürəm. Elə köhnədə qalmışıq.
- Millimiz Şimali İrlandiya ilə budəfəki görüşdə nəyə ümid edə bilər?
- Real danışsaq, indi yığmamız elə bir gücə malik deyil ki, səfərdə rəqibə qarşı hücum futbolu oynasın. Düşünürəm ki, yenə də müdafiə olunaraq, əks-hücumdan istifadə etməyə çalışacaqlar. Bunun nə dərəcədə yaxşı alınacağını söyləyə bilmərəm. Yəqin ki, Berti Foqts rəqibin hava toplarında və standart vəziyyətlərdə güclü olduğunu nəzərə alıb. Çünki onların əsas silahlar elə budur.
- Oyun üçün proqnozun nədir?
- Şanslar 60/40-a Şimali İrlandiyanın xeyrinədir.
Əli HƏYATİ
PSJ Dembeleni itirdi
Kimmix ÇL-də 100-ə çatdı
Mbappedən penalti qərarı - Hamısını özü vuracaq
“Mançester Yunayted” bu mövsüm Premyer Liqanı qazanmayacaq"
"Real";n rəhbərliyi Vinisiusun davranışlarından narahatdır
"Xankəndi"nin qələbəsindən - Video
Haaland özünü Messi və Ronaldo ilə müqayisə etmədi
İslam Oyunlarında iştirak edəcək güləşçilər müəyyənləşdi
“Qalatasaray” "Ayaks"la matça itki ilə çıxacaq
“Tofiq Bəhramov”da güclü yağış altında məşq - Video
Azərbaycan futzal millisi İslamiadaya qələbə ilə start verdi
“Beşli müdafiə ilə oynamağı xoşlamıram”
“İnter”lə oyun özümüzü göstərmək üçün böyük şansdır”
Qurban Qurbanov "Çelsi" ilə oyun haqda
Dibalanın durumu açıqlandı
