04.07.25
“Xəzər Lənkəran” klubunun sabiq baş məşqçisi Yunis Hüseynovun Qol.Az saytına müsahibəsi
- Komandadan istefa verməyinizin səbəbi nə oldu?
- Bildiyiniz kimi, klubdan tam olaraq ayrılmazdan öncə də vəzifəmdən istefa vermişdim. Lakin rəhbərlik bu qərarımı qəbul etmədi. Ancaq sonradan belə qərara gəldim ki, klubdan ayrılsam, daha yaxşı olar.
- “Xəzər Lənkəran”dan ayrılmaq təkcə sizin qərarınız oldu, yoxsa rəhbərlik də bu haqda fikirləşirdi?
- Mən toplantı zamanı danışdım. Bildirdim ki, vəzifəmdən getməliyəm. Qarşılıqlı razılıq əsasında postumdan getdim.
- Bəs, klub rəhbərliyi bu dəfə də sizi saxlamağa çalışdı?
- Düzü, buna heç ehtiyac olmadı. Çünki mən artıq qəti qərar qəbul etmişdim. Bunu rəhbərliyin özünə də bildirdim. Nəticədə də komandadan ayrıldım.
- Deyilənə görə, “Sumqayıt”la oyunda qeydə alınan nəticə getməyinizdə mühüm rol oynayıb. Bu doğrudur?
- Xeyr, bununla heç bir əlaqəsi yoxdur. Komanda həmin anda dördüncü pillədə gedirdi. Hələ bir oyunumuz da ehtiyatda vardı. Elə də pis nəticə deyildi. Nəzərə almaq lazımdır ki, hazırkı çempionatda bütün lider komandalar xal itirib.
- Belə fikirlər var ki, “Xəzər Lənkəran” rəhbərliyi baş məşqçi olduğunuz dönəmdə sizə yetərincə şərait yaratmayıb, istədiyiniz futbolçular komandaya transfer olunmayıb...
- Yalan danışa bilmərəm. Düzdü, vaxtında istədiyimiz futbolçuları ala bilmədik. Elə futbolçular oldu ki, onların komandaya transfer edilməməsinin səbəbini bilmədim. Gətirə bilmədiyimiz futbolçular mənim çox bəyəndiyim oyunçular idi. Bilmirəm, nəsə problemlər ortaya çıxdı.
- Hətta Mahir Şükürovu da komandaya gətirəcəyinizi demişdiniz. Ancaq bu da alınmadı. Bu, sırf rəhbərliyin fikriydi, yoxsa?
- Əslində mən çox futbolçunu komandamda görmək istəmişəm. Amma bəzilərinin klublarıyla müqavilələri olub, bəziləriylə danışığımız alınmayıb.
- “Xəzər Lənkəran”dan getməyinizə peşman deyilsiniz?
- Niyə peşman olmalıyam? Bu klubda yeddi ay ərzində çalışdım. Fikrimcə, pis nəticələr qazanmamışdım. “Xəzər Lənkəran” çempionatın gümüş medalını qazandı. Hətta ilk dəfə komandanı Avroliqanın ikinci mərhələsinə çıxardım. Hazırda klub turnir cədvəlinin üçüncü pilləsində qərarlaşıb. Yəni komandanı pis vəziyyətdə qoyub getməmişəm. Bu müddət ərzində də rəhbərliklə heç bir problemim olmayıb. Mən “Xəzər Lənkəran”a növbəti oyunlarında uğurlar arzulayıram.
Əli HƏYATİ
Tramp klublararası dünya çempionatının finalında olacaq
"Kəpəz"dən növbəti transfer - Rəsmi
"Arsenal" onunla yeni müqavilə imzalamağa yaxındır
"Barselona" onu Levandovskinin əvəzi kimi istəyir
“PSJ favoritdir, amma biz qalib gələcəyik”
"Real" 20 yaşlı hücumçunu transfer etdi
"Zirə" İordaniya klubuna qalib gəldi
"İmişli"də yeni müqavilə - Rəsmi
“Mən də Haaland, Keyn və Levandovski səviyyəsindəyəm”
"Mançester Yunayted"də ciddi itki
Emreli yoxlama oyununda yenə qol vurdu
"Real" Vinisiusla aparılan danışıqları dayandırdı
"Barselona"da 4 illik müqavilə
"Karvan" braziliyalı futbolçu transfer etdi
"Kəpəz"dən Ehtiram Şahverdiyev qərarı
Pioli rəsmən "Fiorentina"da
“Qəbələ” yeni transferini açıqladı
"Bayer" ABŞ millisinin üzvünü aldı
“Turan Tovuz” “Traktor”la qarşılaşacaq - Rəsmi
"Sabah"ın rəqibində ayrılıq
Levandovskinin yeni imici - Şəkillər
Azərbaycan klublarının mövqeyi məlum oldu - Dünya reytinqi
Donnarummanı transfer etmək istəyən nəhəng klub
Lui van Qal xərçəngə qalib gəldi
DÇ-2030-un finalı bu stadionda keçiriləcək
“Araz-Naxçıvan”ın rəqibindən növbəti transfer
“Komandamızın çıxışı gələcəyə ümid verdi” - Qurban Qurbanov
"Komo" "Milan"dan 16 yaşlı hücumçunu aldı
"Atletiko"nun sabiq oyunçusu "Turan Tovuz"da - Rəsmi
"Qarabağ" növbəti transferini açıqladı - Rəsmi
"Beşiktaş" onu azad agent kimi transfer edir
