28.10.25
“Qarabağ” klubunun hücumçusu Vaqif Cavadovun Qol.Az saytına müsahibəsi
- Premyer Liqanın XI turu çərçivəsində doğma meydanda “Qəbələ”yə məğlub oldunuz. Bu görüşlə bağlı fikirlərini öyrənək...
- Sözsüz ki, bu oyunda qələbə qazanmağı qarşımıza məqsəd qoymuşduq. Oyun zamanı nə qədər çalışsaq da, bir qoldan artığına gücümüz çatmadı. Çox təəssüflər olsun ki, şansımızı əldən verdik. Deməzdim ki, komanda pis oynadı. Məncə, bu oyunda nəsə çatışmırdı. Müdafiədə yol verdiyimiz səhvlərə görə qapımızdan iki qol buraxaraq, 3 xaldan məhrum olduq.
- İlk hissənin 32 və 34-cü dəqiqələrində komandan ardıcıl iki qol buraxdı. Bunun səbəbini nədə görürsən?
- Belə götürəndə ilk yarının 32-ci dəqiqəsinə qədər “Qəbələ” cərimə meydançamız önündə elə bir təhlükəli vəziyyət yaratmamışdı. Hesab açıldıqdan sonra komanda özünə gəlməmiş rəqib ikinci qolu da vurdu. Belə güclü hücum xəttinə malik rəqibə qarşı oynamaq çətin idi. Xüsusən də gənc oyunçular üçün. Gəlin etiraf edək ki, “Qarabağ”ın üç ən güclü müdafiəçisinin olmaması bu görüşdə öz sözünü dedi. Ancaq mən inanıram ki, baş məşqçimiz hər şeyi düzgün analiz edib. Bu uğursuzluqlara görə baş məşqçimizi günahlandırmaq düzgün deyil. Birlikdə çalışacağıq ki, Qurban müəllimə dəstək olaq.
- İkinci hissənin əvvəllərində təzyiqi artıraraq qol vurmağı bacardınız. Səncə, məğlubiyyətdən qaçmaq üçün komandaya nə çatmadı?
- Düzdü, ikinci yarıya yaxşı başladıq. Elə bunun sayəsində də fərqi azalda bildik. Lakin oyunun sonlarına yaxın rəqib futbolçular topu özlərində saxlayaraq, vaxt öldürməyə çalışırdılar. Belə olan zaman istər-istəməz oyunun tempi aşağı düşürdü. Əslində ikinci hissədə real qol imkanlarımız çox oldu. Sadəcə, yenə bəxt bizdən üz döndərmişdi.
- Premyer Liqanın XII turunda evdə AZAL-ı qəbul edəcəksiniz. Bu görüşdən nə gözləyirsən?
- Artıq “Qəbələ”yə məğlubiyyəti unudub, bütün fikrimizi AZAL-la görüşə yönəltmişik. Bu oyunda 2:6 hesablı məğlubiyyətin revanşını almağa çalışacağıq.
Əli HƏYATİ
PSJ Dembeleni itirdi
Kimmix ÇL-də 100-ə çatdı
Mbappedən penalti qərarı - Hamısını özü vuracaq
“Mançester Yunayted” bu mövsüm Premyer Liqanı qazanmayacaq"
"Real";n rəhbərliyi Vinisiusun davranışlarından narahatdır
"Xankəndi"nin qələbəsindən - Video
Haaland özünü Messi və Ronaldo ilə müqayisə etmədi
İslam Oyunlarında iştirak edəcək güləşçilər müəyyənləşdi
“Qalatasaray” "Ayaks"la matça itki ilə çıxacaq
“Tofiq Bəhramov”da güclü yağış altında məşq - Video
Azərbaycan futzal millisi İslamiadaya qələbə ilə start verdi
“Beşli müdafiə ilə oynamağı xoşlamıram”
“İnter”lə oyun özümüzü göstərmək üçün böyük şansdır”
Qurban Qurbanov "Çelsi" ilə oyun haqda
Dibalanın durumu açıqlandı
