07.04.26
AZAL klubunun baş məşqçisi Vaqif Sadıqovun Qol.Az saytına müsahibəsi
- Premyer Liqanın növbəti turunda səfərdə “Turan” komandasıyla qarşılaşacaqsınız. Həmin oyun barəsində fikirlərinizi bilmək maraqlı olardı...
- Bildiyiniz kimi, millinin oyunları ilə əlaqədar, çempionatımızda fasilə yaranmışdı. Bir neçə futbolçumuz milli komandaların heyətində çıxış etdiyindən dünəndən düşərgəmizə qayıdıb. Tam heyətlə məşqi də o vaxtdan bərpa etdik. Bu gün Tovuza yola düşürük. “Turan”a qarşı onların meydanında mübarizə aparmaq hər bir komanda üçün çətin olub. Bu gün tovuzluların heyətində güclü futbolçular cəmləşib. Bizi rahat səfər oyunu gözləmir. Nə qədər çətin olsa da, futbolçularım öz gücünü göstərməlidir. Həmin oyunda ancaq qələbəyə köklənmişik.
- Oyunöncəsi sizi narahat edən hansısa problemlər varmı?
- Məni yeganə narahat edən çempionatımızda yaranan fasilədir. Hər 3-4 turdan bir iki həftə fasilə yaranır. Bu da komandamızın oyun təcrübəsinə azalmasına gətirib çıxarır. Buna baxmayaraq, futbolçularımız böyük həvəslə oyuna hazırlaşırlar. Hesab edirəm ki, ilk gündən mənim tərəfimdən komandanın qarşısına qoyulan hər oyuna qələbə əzmi ilə meydançaya çıxmaq tələbinə futbolçularım əməl etməyə çalışır. Sonluqda nə olacağını isə zaman göstərər.
- Yeri gəlmişkən, çempionatda tez-tez yaranan fasilə sizin kimi digər məşqçiləri də narahat edir.
- Avropa ölkələrində milli komanda ilə klublar arasında standartlar var. Konkret olaraq, UEFA tərəfindən tələb olunan müddətdə futbolçuları yığmaya buraxsaq, bu cür problemlər olmayacaq. Amma istənilən halda, ən vacib olan odur millimizin uğurudur. Bizə problem yaratsa belə, təki millimizə xeyiri dəysin. Milli komandamızın xeyiri naminə biz bu cür çətinliklərə dözməyə hazırıq.
- Lakin milli hələ ki, uduza-uduza gedir. Ruslarla oyuna baxdınızmı?
- Həmin oyunda mən futbolçularımızda əzmkarlığın şahidi oldum. Ancaq bu gün təkcə bununla nəyəsə nail olmaq çətindir. İlk öncə fərdi ustalıq və komanda oyununa köklənmək lazımdır. Ruslarla görüşdə komandamızda bu keyfiyyətlət çatmırdı. Hələ oyundan öncə sizin saytınıza müsahibəmdə bildirmişdim ki, Rusiya millisi futbolçuların fərdi ustalığı baxımında bizim futbolçularımızdan çox da üstün deyil. Bizim komandada cəsarət biraz artıq olsaydı, ilk on dəqiqədə göstərdiyimiz oyunu axıra kimi saxlaya bilsəydik, ən azı məğlub olsaq belə, məyus olmazdıq. Komandamız gələcək baxımından inam olmayan bir oyun sərgilədi.
- Sonda yenidən qayıdan “Turan”la oyuna. Görüş öncəsi heyətdə hər hansı itkilər var?
- Bəli. Dörd futbolçumuz xəstə və zədəli olduğundan komandayla məşq edə bilmirlər. Ancaq biz də futbolçuların sayı çox olduğuna görə əvəzedilməz oyunçu yoxdur. Ona görə hansısa ciddi problemlə qarşılaşacağımızı düşünmürəm.
Sükür CAVAD
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
