29.05.26
Azərbaycan milli komandasının kapitanı Rəşad Sadıqovun Qol.Az saytına müsahibəsi
- Zədən səbəbindən DÇ-2014-ün Rusiyaya qarşı oyununda iştirak edə bilmədin. Bununla belə, görüşlə bağlı fikrin maraqlı olardı. Səncə, millimiz niyə uduzdu?
- Komandamız güclü yığmaya qarşı inamlı mübarizə apardı. Yaxşı bilirdik ki, rəqibimiz xal itirməyən, qapısında qol görməyən bir komandadır. Ruslar oyun boyu hücum qurur, bizimkilər isə əzmkar mübarizə aparırdı. Sonda hakimin səhvi nəticəsində penaltidən məğlub olduq.
- Yəni hər şeyi bu səhv həll etdi?
- Mən hələ qarşılaşmadan öncə oyunun 0:0 və ya 1:1 hesabı ilə bitəcəyini proqnozlaşdırmışdım. İnanırdım ki, uduzmayacağıq. Fasilədə futbolçulara dedim ki, ruslar bizə belə oyunla qol vura bilməyəcəklər. Çünki həm müdafiəçilərimiz, həm də qapıçımız çox inamlı təsir bağışlayırdı. Rəqibin də yorğunluğu hiss olunurdu. Lakin hakim səhvi bizi məğlubiyyətə sürüklədi. Belə şeylər dünya futbolunda tez-tez rast gəlinir. Bu birinci dəfə deyil ki, hakimlər bizə qarşı səhvlərə yol verirlər. Hər zaman böyük komandalara hakimlərin simpatiyası olub. Bizim milli də buna görə uduzdu.
- Əli Gökdəmirin zəif çıxışıyla bağlı nə deyərdin? Olmazdımı ki, onun yerinə daha yaxşı təsir bağışlayan yerli futbolçu oynasın?
- Bu suala cavab verməkdə çətinlik çəkirəm. Baş məşqçi qərar verib ki, Əli Gökdəmir oynayacaq. Biz bu qərara müdaxilə edə bilmərik. Ancaq fikrimcə, Əli Gökdəmir hələ ki, gözlənilən oyunu sərgiləmir. Lakin məşqçilər onun gəncliyinə, perspektivinə inanaraq meydana buraxırlar.
- Hazırda zədənlə bağlı vəziyyət nə yerdədir?
- Zədəmlə əlaqədar vəziyyət yaxşı deyil. Daha da pisləşib. Belə vəziyyədə 1-2 dəfə məşq etməyim zədəmi daha da ağırlaşdırdı. Bu məşqləri eləməsəydim, bəlkə də artıq sağalmışdım.
- Bəs nə vaxta qədər oynaya bilməyəcəksən?
- Çox güman ki, zədəmin düzəlməsi bir həftə və ya on gün çəkəcək.
- Necə düşünürsən, “Qarabağ” sənin yoxluğunda “Bakı” və “Xəzər Lənkəran”la görüşlərdə hansı çətinliklərlə üzləşəşə bilər?
- Hər zaman millinin oyunlarından qayıtdıqdan sonra “Qarabağ” problemlə üzləşir. Onsuz da əvvəldən başqa problemlər də vardı. Lakin bu çətinlikdən çıxmaq üçün özümüzü toparlamalıyıq.
Əli HƏYATİ
"Şamaxı" onu da göndərdi
UEFA Superkubokunda onlar qarşılaşacaqlar
PSJ yenə çempionlar çempionudur!
Onların qolları 8 illik həsrətə son qoydu
Zədəsinə görə mundialı buraxacaq
"Arsenal"dan final antirekordu
"Barselona"dakı gələcəyi bəlli oldu
Haverts Çempionlar Liqası tarixinə düşdü
ABŞ millisinin kapitanı oldu
Kuboka qədər milyonlar qazandılar
PSJ - "Arsenal": Heyətlər açıqlandı
"Real"dan Vinisiusa qarşı sərt mövqe
"Oğlum futbol oynamaq istəmir"
Çempionlar Liqasının finalından öncə kütləvi dava - Video
Aparıcı klubların hədəfinə düşdü
Azərbaycan millisi Fransaya qalib gələrək qrup lideri oldu
"Liverpul" Arne Slotla yolları ayırdı
Azər Bağırov "Kəpəz"dən getdi - Rəsmi
"Şamaxı"dan ayrılanların sayı 12-yə çatdı
Azərbaycan millisinin növbəti məşqi - Şəkillər
“Barselona” Qordonun transferini rəsmən açıqladı
Sterlinq narkotikə görə saxlanıldı
