07.04.26
Bakının “Neftçi” klubunun sabiq futbolçusu, 1995-ci ildə UEFA-nın o vaxtkı Kuboklar kuboku yarışında Kiprin “Apoel” klubuna qarşı oyunlarda iştirak edən Mirbağır İsayev Qol.Az-ın suallarını cavablandırıb
- 17 illik fasilədən sonra “Neftçi” yenə avrokuboklarda Cənubi Kiprin “Apoel” klubu ilə qarşılaçacaq. 1995-ci ildəki oyunun iştirakçılarından biri kimi, həmin qarşılaşmanı necə xatırlayırsınız?
- Yadımdadır, ilk oyunu səfərdə keçirmişdik. Çox ağır görüş olmuşdu və yekunda 0:3 hesabıyla uduzmuşduq. Mən özüm ilk 45 dəqiqədə meydançada oldum, sonra fiziki hazırlığıma görə baş məşqçi Vaqif Sadıqov məni əvəzlədi.
- Böyükhesablı məğlubiyyətə nə səbəb oldu?
- Bilirsiniz, o vaxt dövlət olaraq yeni-yeni müstəqillik qazanmışdıq, futbolumuzda da hər şey sıfırdan başlayırdı, avrokuboklarda debüt edirdik. Yəni, tam fərqli dövr idi. Futbolumuzda indiki kimi şərait yox idi. Ən əsası beynəlxalq təcrübə söhbəti var idi. “Apoel” o dövrə kimi dəfələrlə avrokuboklarda oynamışdı. Ancaq biz ilk dəfə idi qitə miqyaslı yarışda oynayırdıq. Peşəkar klub anlamında bizdə çatışmayan çox şey var idi. Şəxsən mənim 21 yaşım var idi, U-21-in üzvü idim. U-21 isə ölkədəki qeyri-sabit vəziyyət ucbatından, əsas milli komanda kimi ev oyunlarını Türkiyədə keçirirdi. Problemlər, çətinliklər çox idi.
- O vaxtı oyuna hansı şəraitdə getmişdiniz?
- Bu barədə problem olmamışdı. O vaxtkı prezidentimiz, “Riad” firmasının sahibi rəhmətlik Rasim Rəfiyev öz şəxsi təyyarəsi ilə komandanı Cənubi Kiprə aparmışdı.
- Vaqif Sadıqov deyir ki, sizə qarşı çox böyük təzyiqlər olub. Bu təzyiqlər konkret nədən ibarət idi?
- Təzyiqlər doğrudan da çox idi. Elə Cənubi Kiprə ayaq basan andan kobud münasibətlə üzləşdik. Üstümüzə qışqırır, qeyri-etik ifadələr işlədirdilər. Ən əsası da oyun vaxtı stadionda Türkiyə bayrağının yandırılması bizi mənən sındırdı.
- Necə düşünürsünüz, bu dəfə “Neftçi” “Apoel” səddini keçə biləcək?
- Çox şükür ki, artıq həmin dövr deyil. Futbolumuz maddi-texniki baza məsələsində xeyli inkişaf edib. Məsələn, mən iddia edərdim ki, bu gün “Neftçi” büdcəsinə, şəraitinə görə “Apoel”dən üstündü. İlk növbədə arzu edirəm ki, “Neftçi” qalib gəlsin və 17 il bundan əvvəlki məğlubiyyətin qisasını alsın. Hamımız arzulayırıq və istəyirik ki, avrokuboklardakı yeganə təmsilçimiz olaraq, Avropa Liqasının qrup mərhələsinə vəsiqə qazansınlar. Artıq orada tək “Neftçi” yox, bütün Azərbaycanın adı gedəcək. Təbii, bizdən asılı olan şey arzulamaq və dəstəkləməkdi. Sonrası futbolçuların üzərinə düşür.
Anar XANLAROV
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
Son 4 mövsümün ən böyük hesabı
Azərbaycan çempionatlarının 21-ci əsrdəki rekordu yeniləndi
Azərbaycandakı amerikalıların 10-cu het-triki
Bəxtiyar Həsənalızadə: “Qələbədən başqa yolumuz yoxdur”
Arbeloa: "Münhendə "Real" qalib gələcək"
65 il sonra qayıtdılar
"Bavariya"nın Madrid zəfəri - Video
"Quba" "Şəki Siti" ilə üz-üzə
"Bavariya" "Real"a, "Arsenal" "Sportinq"ə qalib gəldi
6 qol və "Sabah"ın qələbəsi - Video
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
