Əfqan Bayramovdan uğursuz çıxış, Sərdar Həsənov 8-ci oldu (YENİLƏNİB)

Bu gün London olimpiadasında ağırlıqqaldırma üzrə daha iki təmsilçimiz podiuma çıxıb.

Qol.Az-ın məlumatına görə, 69 çəki dərəcəsində mübarizə aparacaq Sərdar Həsənov və Əfqan Bayramov iki fəqli qrupda qüvvəsini sınayıb.

S.Həsənov bu gün zəiflərin cəmləşdiyi B qrupunda yarışıb. Həmin yarışa Bakı vaxtı ilə saat 14:00-da start verilib. Artıq Həsənov ilk sifarişini verib. Təmsilçimiz birdən qaldırma da 138 kq, təkanla qaldırmada isə 165 kq sifariş edib. 

Artıq idmançımız ilk cəhddə 138 kq. çəkini qaldırıb. O, ikinci cəhddə 145 kq. sifariş verib və bunun da öhdəsindən gəlib.

İdmançınız üçüncü cəhddə 148. kq sifariş versə də, sonrada çəkini 150-yə qaldırıb. Amma bunun öhdəsindən gələ bilməyib.

Artıq birdənqaldırma mərhələsi başa çatıb. S.Həsənov ilk mərhələdə "üçlüyə" düşə bilib. 

Artıq təkanla qaldırma mərhələsi start götürüb.

S.Həsənovun ilk cəhdində 167 kq-ı qaldırıb. Sonra o, 176 kq.-ı sifariş verib və bunun öhdəsindən gəlib. Üçüncü cəhddə isə Həsənov 181 kq. öhdəsindən gələ bilməyib.

Ümumən idmançımız 321. kq qaldırıb və B qrupunda üçüncü yeri tutub.

Həsənovun medal qazanıb-qazanmayacağı A qrupundakı yarışlardan sonra müəyyənləşəcəkdi. Amma adətən, B qrupunun iştirakçıların medal qazanmaq şansı çox az olurdur. S.Həsənov yalnız o halda medal qazana bilər ki, A qrupunda ilk üçlüyə düşənlərdən heç biri 321 kq.dan yuxarı nəticə göstərməsin.
 
Bu isə mümkün görünmürdü. Çünki B qrupundakı yarışdan sonra A qrupunda çıxış edəcək idmançılar daha artıq çəki sifariş edirlələr. Bu mənada, Sərdar Həsənovun medal qazanmaq şansı yalnız nəzəri cəhətdən mümkün idi.

Gözlənilənlər baş verdi. A qrupunda yarışan idmançılar artıq 321.kq-dan artıq nəticə göstərməyə başlayıb, bu isə o deməkdir ki, S.Həsənovun medalsız qalacağı dəqiqləşib. Həsənov olimpiadanı 8-ci pillədə başa vurub.   

A qrupunda yarııan təmsilçimiz Ə.Bayramov isə saat 23:00-da əsas favoritlərlə birlikdə mübarizəyə başlayıb.

Əfqan Bayramov birdənqaldırmada ilk cəhddə 142 kq. çəkini qaldıra bilməyib. Bayramovun eyni çəkini ikinci dəfə qaldırmaq cəhdi də uğursuz olub. Sonuncu üçüncü cəhdə də Bayramov bu çəkinin öhdəsindən gələ bilməyib, ona görə də olimpiadanı elə ilk mərhələdəcə 0 nəticəylə tərk edib.

Qeyd edək ki, buna qədər Londona 5 kişi və 1 qadın atletlə yollanan millimizin iki idmançısı artıq çıxışını yekunlaşdırmıışdı. Bunlardan Valentin Xristov (56 kq) 3-cü olduğu halda,  Boyanka Kostova (58 kq) 5-ci yerlə kifayətlənmişdi.