01:30
"Şamaxı"nın baş məşqçisi Ayxan Abbasov Misli Premyer Liqasının 31-ci turunda "Neftçi"yə məğlub olduqları matç (0:3) haqda danışıb.
QOL.az xəbər verir ki, baş məşqçi rəqibi layiqli qələbə münasibətilə təbrik edərək ötən matçda ağır zədə alan David Santosun yoxluğunun komandada ruh düşkünlüyü yaratdığını bildirib:
"Rəqibi təbrik edirəm, layiqli qələbə qazandılar. Bilirdik ki, bu, onlar üçün final oyunu idi. Keçən matçda David Santosun ağır zədələnməsi komandada istər-istəməz ruh düşkünlüyü yaratdı. Ona Allahdan şəfa diləyirəm. Çempionatın elə bir mərhələsindəyik ki, bəzi klublar üçün son matçlar artıq formal xarakter daşıyır. Buna baxmayaraq, qarşıda "Turan Tovuz"la son ev oyunumuz var və həmin matça hazırlaşacağıq. Bu gün də bəzi yeni oyunçulara meydanda şans verdik".
Mütəxəssis ardıcıl iki çətin oyunda qol vura bilməmələri və qapılarında 6 top görmələri ilə bağlı sualı cavablandırarkən komandadakı yorğunluğa və təqvimin ağırlığına diqqət çəkib:
"Düzdür, iki oyuna 6 top buraxdıq. Halbuki, bundan əvvəl az qol buraxdığımıza görə 4-cü və ya 5-ci yerdə idik. Təqvimimiz kifayət qədər ağır idi. Avrokuboklara və çempionluğa oynayan iddialı rəqiblərlə qarşılaşdıq. Bu matçlardan əvvəl çempionatdakı vəziyyətimiz aydın idi. Futbolçularımız yorulublar, mövsüm gərgin keçdi, zədələrimiz oldu. Görünür ki, oyunçular artıq tətili gözləyirlər və bunu da hardasa normal qarşılamaq olar. Bu gün "Neftçi" də çox motivasiyalı idi. Amma bütün bunlara rəğmən, klub olaraq futbolçulardan razıyıq, onlar bu ağır yolda canlarını qoydular. Bizi dəstəkləməyə gələn azarkeşlərimizi sevindirmək istəyirdik, lakin təəssüf ki, alınmadı".
Sonda Ayxan Abbasov "Şamaxı"dakı gələcəyi ilə bağlı yayılan iddialara aydınlıq gətirərək mövsümün sonunda komandanı tərk edəcəyini təsdiqləyib:
"Qışdan bəri yayda vəziyyətin necə olacağı ilə bağlı bəzi fikirlər və söhbətlər var idi. Klub rəhbərliyi ilə danışmışıq, vəziyyəti təhlil etmişik və onlar necə olacağını bilirlər. "Şamaxı"da cəmi 2 oyunum qalıb və çox istəyərdim ki, bu matçlardan xal qazanaraq komandadan ayrılaq. "Şəfa"nı çalışdıracağım barədə isə söhbət olmayıb. Yəqin ki, bir yerə köklənəcəyik. Millidə bizi ağır yol gözləyir. Tam olaraq o oyunlara hazırlaşacağıq. Klublardan hələ təklif olmayıb".
“Barselona” “Feyenoord”u darmadağın etdi
Ramil Şeydayevin komandası məğlub oldu
“Fənərbaxça”dan Rusiya klubuna getdi
"Məğlubiyyət tamamilə mənim günahımdır"
Haaland ən yaxşı bombardirlərdən oldu
“Barselona” onu göndərməyə hazırlaşır
"Şahdağ Qusar" "Karvan-Yevlax"a qalib gəldi
Azərbaycan millisi Moldovaya məğlub oldu
Azərbaycan Kubokunda püşkatma mərasimi keçiriləcək
Kvaratsxeliyadan "Qızıl top" şərhi
“Sabah” özünə inamlıdır, yaxşı pressinq edir” - Maykl Karrik
"Sabah" "Mançester Yunayted"lə oyuna ciddi itki ilə çıxacaq
Azərbaycan millisi Gürcüstana yenə uduzdu
Kurtua Millətlər Liqasında oynamayacaq - Açıqlama
"Mançester Siti"dən ərəb klubuna keçdi
"Kəpəz"in kapitanı məşqdə zədələndi
Flik: “Çempionlar Liqasını qazanmağa qadirik”
Haaland Çempionlar Liqasında daha bir əfsanəni geridə qoydu
Lamin Yamal: “19 yaşında kapitan olmaq şərəfdir"
“Qarabağ”la vidalaşdı - Paylaşımı Azərbaycan dilində etdi
Messidən unikal rekord
ÇL-in oyunları bu kanallarda
İtaliya millisinin sabiq hücumçusu B Seriyasında
