21:26
Azərbaycan kubokunun 1/4 final mərhələsi çərçivəsində "Sumqayıt" və "Zirə" klubları üz-üzə gəlib. Qarşılaşma qolsuz bərabərliklə yekunlaşıb.
QOL.az xəbər verir ki, "Sumqayıt" klubunun baş məşqçisi Saşa İliç matçdan sonra oyun barədə fikirlərini bölüşüb.
Mütəxəssis meydanda bərabər səviyyəli oyun getdiyini və nəticənin ədalətli olduğunu bildirib. O, kubok matçı olduğu üçün komandanın ehtiyatlı davrandığını vurğulayıb.
Baş məşqçi 3 gün sonra çempionatda yenidən "Zirə" ilə qarşılaşacaqları barədə danışıb:
"Xüsusi planımız yoxdur. Əlimizdə olan futbolçularla oynayırıq. Qısa müddətdə eyni rəqiblə iki dəfə üz-üzə gəlmək, əlbəttə ki, asan deyil. Buna baxmayaraq uğurlu nəticə qazanmaq üçün optimal heyəti formalaşdırmağa çalışacağıq".
Mütəxəssis oyunun sonlarında rəqibin təhlükəli epizodlar yaratmasını müdafiə səhvləri ilə yox, bəzi futbolçuların zədədən sonra tam 90 dəqiqəyə hazır olmaması və gənc oyunçuların təcrübəsizliyi ilə əlaqələndirib:
"Futbolda belə epizodlar olur. Bizim də qol imkanımız vardı. Səbuhi Abdullazadənin zərbəsi müdafiəçi tərəfindən bloklandı, ardından rəqib əks-hücuma çıxdı. Son dəqiqələrdə zəif oynadığımızı düşünmürəm. Sadəcə bəzi futbolçularımız zədədən sonra hələ 90 dəqiqə oynamağa tam hazır deyil. Xüsusilə gənc oyunçuları qeyd edərdim. Bu səbəbdən müəyyən dəyişikliklər etməliyik və bunun oyuna təsiri ola bilər".
S.İliç komandanın ötürmələrdə yol verdiyi səhvlərə və hava şəraitinə də toxunub:
"Düz qeyd edirsiz, səhvlər oldu. Həmişə demişəm ki, daha sadə oynamalıyıq. Topu itirəndə mübarizəni davam etdirməliyik. Hava pis olsa da, meydançamız əla vəziyyətdə idi. Ona görə də hava şəraiti bəhanə ola bilməz".(sportal.az)
"Ayaks"dan yeni transfer
"Bavariya"da ciddi itki
"Zirə"dən "Mingəçevir"ə
Cilardinonu o əvəzlədi
Matetanın "Milan"a transferi niyə baş tutmadı?
Türkiyə klubu sabiq futbolçusunu yenidən heyətinə qatdı
"Monako"nun hücumçusu da ərəb klubuna keçdi
