23.04.26
Bir qısametrajlı gürcü filmi vardı. Ümumiyyətlə, gürcülərin qısametrajlı filmləri əvəzsiz idi.
Deməli, belə.
Filmdə iki nəfər bir qıza aşiq olur. Biri şkaf boyda, çox güclü, o birisi isə mənim kimi cılız. Şkaf boyda olan mənim kimi cılız olanı harda tutur əzişdirir. Bir dəfə, iki dəfə, üç dəfə, axırda mənim kimi cılız olan yığılır boğaza, məşq edir və sonda şkaf boyda olanı dəli inək balasını çığnayan kimi çığnıyır. Ondan sonra şkaf boyda oğlan mənim kimi cılızı görən kimi qaçır.
Dünən «Qarabağ»la «Çelsi»nin oyununa baxanda həmin gürcü filmi yadıma düşdü. Bir dəfə bizi 6:0 udmuşdular, Bakıda da 4:0, bu dəfə də lovğa-lovğa gəlmişdilər. Bütün dünya fikirləşirdi ki, «Çelsi» «Qarabağ»ı yolacaq.
Amma elə olmadı. Qurban xocanın mənim kimi cılız oğlanları ayğır ata çevrilib şkaf boyda «Çelsi»ni – 1 milyard avrodan çox büdcəsi olan «Çelsi»ni tapdalayıb keçdilər. Elvin Cəfərquliyev dünya ulduzlarını, 100-150 milyon qiyməti olan futbolçuları beş qəpiklik elədi.
Bir gün qabaq PSJ ilə «Bavariya» oynayırdı. O qədər sürətli oyun gedirdi ki, son illər belə futbol görməmişdim. «Qarabağ»la «Çelsi»nin oyunu PSJ ilə «Bavariya»nın oyunundan da sürətli getdi. Əsl futboluydu. «Çelsi» özünü öldürürdü, məşqçiləri də kənarda bağırırdı, bizimkilər isə kasıbın olanından tökmüşdülər ortaya. Qurban xoca da həmişəki təmkini ilə oyunu izləyirdi və uşaqlarına inanırdı.
Qalib də gələ bilərdik, şansımız gətirmədi, olsun.
Dünəndən bütün dünya «Qarabağ»dan, Qurban Qurbanovdan danışır.
Çox həyəcanlıydım, yaxşı ki, xanımım, özü də futbolu ayaq üstə izləyirdi, mənə ürək-dirək verirdi:
- Qorxma, hər şey yaxşı olacaq, hələ fasilədə Qurban Qurbanov uşaqlara elə bir ruh verəcək ki, ikinci hissədə daha gözəl oynayacaqlar.
Mən uduzmaqdan daha çox durub Türkiyədən Bakıya gəlib oyunu şərh edən Ertem Şenerin ürəyinin partlayacağından qorxurdum. Və mənə elə gəldi ki, Ertem Şener «Qarabağ»ı məndən də və elə hamıdan da çox sevir. Ertem Şenerə və Pərvizə təşəkkürümü bildirirəm.
Yaşa, Qurban xoca! Yaşa, «Qarabağ»!
Yazımı Möhtərəm Prezident İlham Əliyevin sözləri ilə bitirirəm:
- Qarabağ – Azərbaycandır, nida!
Aqil Abbas
UEFA 2 klubu sərt cəzalandırdı
"Real"dakı davanı mediaya sızdıran şəxs müəyyən olunub
"Mən yaxşıyam.." - Elvin Cəfərquliyev
"İstefaya getmək niyyətində deyiləm"
"Arsenal"ın futbolçusu sıradan çıxdı
Rəhim Həsənov hakimlərin qərarlarını təsdiqlədi - Video
Dik Advokat Kurasao millsinə qayıtdı
"Marsel"dən ərəb klubuna keçir
2-ci liqada 6 oyunun saatı məlum oldu
2-ci liqada 26-cı tura yekun vuruldu
"Bizim itirəcəyimiz şeylər daha çoxdur" - Rəşad Sadıqov
"Zirə" final matçına itki ilə çıxacaq
Serxio Ramos "Sevilya"nın rəhbəri ola bilər
Əliyar Ağayev bu dəfə 1-ci liqada
Hakimlər üçün danışılmış oyunlara qarşı sessiya keçirildi
"Azarkeşlər finaldan həzz alacaqlar" - Valdas Dambrauskas
Pikeyə 200 min avro cərimə kəsildi
“Kəpəz”in şərtləri məni qane etsə, qalacam” – Azər Bağırov
Levandovski üçün sürpriz namizəd
"Qarabağ" regionda ilk Dayanıqlılıq Hesabatını təqdim etdi
Azərbaycan kubokunda finalın hakimləri açıqlandı
Baş məşqçi DÇ-2026-ya 1 ay qalmış istefa verdi
“Sabah" onu 1 milyona birdəfəlik transfer edir
Bir mövsümdə cəmi 25 dəqiqə oynadı, müqaviləsi ləğv edildi
