10.11.25
"Qarabağ"ın son günüdür. Bu gecə UEFA-ya sifariş ərizəsini göndərməlidilər. Gecə saatlarına qədər yeni transfer rəsmiləşdirə bilməsələr, Çempionlar Liqasının Liqa mərhələsində bu heyətlə oynamalı olacaqlar.
Belə baxanda, hər mövqedə demək olar ki, iki bərabər səviyyəli, təcrübəli futbolçulara malikdilər. Yalnız hücum xətti istisna olmaqla. İrəlidə gənc Nəriman Axundzadə və Musa Qurbanlı var. "Qarabağ" yeni hücumçu gətirə bilməsə, yola onlarla davam edəcək.
Cüzi də olsa, hələ də ümidlər qalıb. Bəlkə günün sonuna qədər gündəmdə olan forvardlardan birinin keçidini həll etmək mümkün oldu.
Amma mətbuatda yayılan xəbərlərə görə, gedişat o qədər də nikbinlik vəd eləmir. "Flamenqo"dan Juninyonun icarəyə götürülməsinə qarşı tərəf isti baxmayıb. Braziliyalılar onu icarəyə verməyə yox, satmağa razıdılar - 4 milyon avroya. Bunu da "Qarabağ" istəmir. Çünki bu futbolçunun hazırkı bazar qiyməti ən yaxşı halda 1-2 milyon avro arasında dəyərləndirilməlidir. Əgər "Qarabağ" onu vaxtında bahaya sata bilibsə, o demək deyil ki, təzədən bahaya almalıdır. Sadəcə "Flamenqo" "əlim-yanındıda" hücumçu axtaran "Qarabağ"ın düşdüyü durumdan yararlanmağa çalışır. Bundan sonra çətin ki, Juninyonu kimsə 4 milyon avroya almaq istəyə.
"Loryan"dan Sambo Sumanonun transferi daha real görünür(dü). "Qarabağ" bonusları da nəzərə almaqla, bu hücumçu üçün 3 milyon avro təklif edir. Başqa vaxt olsaydı, bu transferi gerçəkləşdirmək daha rahat alınardı.
Amma "Qarabağ"ın Çempionlar Liqasının Liqa mərhələsində iştirak etməsi, UEFA-dan böyük gəlirlərə sahib olması, mümkün transferləri çətinləşdirir. Hamı "Qarabağ"a "qiymət oxuyur".
"Qarabağ" bu yerlərə həm də ağıllı transfer siyasəti hesabına gəlib çatıb. Ona görə də, tələskənliyə yol verib pulu "daş-baş" eləmək istəmirlər. Bəlkə qışda bundan da yaxşı, daha real qiymətə futbolçular gətirib gələn mövsüm yenə Çempionlar Liqasında əsas mərhələyə düşmək daha doğru gediş olar. Gözləyək, baxaq.
Həmid,
Sportal.az
“Fiziki çatışmazlıqlar var, qış fasiləsində mütləq güclənməliyik” - "Karvan-Yevlax"ın məşqçisi
"Fənərbaxça"dan heç-heçə
Alonso Mbappe və Ronaldonu müqayisə etdi
"Zirə" - "Qarabağ" matçından - Video
“Bavariya” “Ştutqart”ı darmadağın etdi
Ərəblər “Real”ın futbolçusu üçün hərəkətə keçdi
“Lill” gənc ulduzu ilə müqaviləni yenilədi
“Qarabağ” - “Ayaks” matçını yayımlayacaq kanal dəyişdi
“Vilyarreal”dan doğma meydanda qələbə
"Qarabağ"la matçda qazanılan xal dəyərlidir" - Rəşad Sadıqov
“Oyunçular emosional davrana bilər, amma əsəblərini cilovlamalıdırlar” - Qurban Qurbanov
“Aston Villa” son dəqiqə qolu ilə qalib gəldi
“Zirə” “Qarabağ”la bərabərə qaldı
Mərc qalmaqalı səbəbindən matç təxirə salındı
Münhen klubu Şlotterbek iddialarına aydınlıq gətirdi
İtaliya nəhəngləri gənc müdafiəçi üçün səfərbər oldu
"Zirə" - "Qarabağ": Heyətlər
Alba karyerasının sonuncu oyununa çıxır
İnfantino Trampa verilən mükafatdan danışdı
