22:35
Yeni mövsüm üçün Türkiyə Superliqasına vəsiqə qazanan ilk komanda bəlli olub.
QOL.az xəbər verir ki, “Kocaelispor” 1-ci liqada sona 3 tur qalmış bunu bacarıb. Komanda növbəti turlarının nəticələrindən asılı olmayaraq, çempionluğu təmin edib və elitaya vəsiqə qazanıb.
Azərbaycanlı futbolçu Vüsal İsgəndərlinin yer aldığı “Boluspor”un “Karagümrük”ə qalib gəlməsi (1:0) “Kocalespor”un mövsümü lider başa vuracağını rəsmiləşdirib. Hazırda lider "Kocaelispor"un (34 oyun) 69, ən yaxın izləyicisi "Karagümrük"ün (35 oyun) isə 60 xalı var.
“Kocaelispor” sonuncu dəfə 16 il əvvəl - 2008-2009-cu mövsümündə Superliqada çıxış edib. Maraq üçün qeyd edək ki, həmin mövsüm Azərbaycan milli komandasının sabiq kapitanı və müdafiəçisi Rəşad Sadıqov da "Kocaelispor"da oynayıb.
“Neftçi” üçün 26 mümkün rəqibdən 11-i… - Onlar kimlərdir?
“Sabah”ın start heyətini görəndə məyus oldum” - Video
Səhvən əvəzləndi, hakimə əsəbləşdi
"Bəlkə də cəzalanıblar, biz hiss etməmişik" - Rəşad Sadıqov
