"Sumqayıt"ın “Fehervar”la cavab oyununun tarixi dəyişdirildi

"Sumqayıt"ın “Fehervar”la cavab oyununun tarixi dəyişdirildi
ÖLKƏ FUTBOLU 24 İyun 2024 / 12:08 2271
-  A +

"Sumqayıt"ın UEFA Konfrans Liqasının 2-ci təsnifat mərhələsində qarşılaşacağı “Fehervar”la cavab qarşılaşmasının keçirilmə tarixi dəyişdirilib. 

QOL.az klubun mətbuat xidmətinə istinadən xəbər verir ki, UEFA-nın qərarına əsasən oyun nəzərdə tutulduğu kimi 1 avqust tarixində deyil 31 iyulda keçiriləcək. 

"Sumqayıt"ın mətbuat xidmətinin rəhbəri Zaur Xudiyev QOL.az-a açıqlamasında bildirib ki, oyunun tarixinin dəyişdirilməsi sırf UEFA-nın qərarıdır: "UEFA bizə heç bir səbəb göstərməyib. Sadəcə gələn məktubda qeyd olunub ki, UEFA oyunların tarixinin dəyişdirilməsi hüququnu özündə saxlayır və buna əsasən bildiririk ki, "Sumqayıt"la "Fehervar" arasında keçiriləcək cavab matçı iyulun 31-nə təyin edilir. Avqustun 1-nə təyin edilən bütün oyunları iyulun 31-nə keçiriblər". 

Qeyd edək ki, cütün ilk oyunu iyulun 25-də Azərbaycanda olacaq.

Daha çox


Son xəbərlər
20.07.24  09:42

Lukaku "Napoli"də