Çexiya millisinin kapitanı: “Ronaldo şans qazansa, qol vuracaq”

Çexiya millisinin kapitanı: “Ronaldo şans qazansa, qol vuracaq”
AVRO-2024 18 İyun 2024 / 10:53 1863
-  A +

Çexiya millisinin yarımmüdafiəçisi Tomaş Souçek Portuqaliyaya qarşı bu gün keçiriləcək Avro-2024-ün oyunu ərəfəsində fikirlərini bildirib.

QOL.az xəbər verir ki, oyundan öncə təşkil olunan mətbuat konfransında “Vest Hem”in (İngiltərə) 29 yaşlı yarımmüdafiəçisi deyib ki, Portuqaliya millisi yüksək səviyyəli komandadır: “Onlar təkcə qrupun deyil, bütün turnirin favoritlərindən biridir. Çətin olacaq, amma biz ilk dəqiqədən son dəqiqəyə qədər əzmlə mübarizə aparacağıq. Hər saniyə önəmlidir”.

Tomaş Souçek Portuqaliya millisinin 39 yaşlı kapitanı Kriştiano Ronaldo barədə də danışlb: “Başa düşürük ki,  Ronaldo şans qazansa, onu qola çevirəcək. Buna görə də ona boş zona verməməliyik. Amma söhbət təkcə ondan da getmir. Portuqaliyalıların heyətində daha 25 futbolçu var. Onlar Avropanın aparıcı klublarında çıxış edirlər”.

Xatırladaq ki, Portuqaliya - Çexiya matçı bu gün Bakı vaxtı ilə saat 23:00-da başlanacaq.

Daha çox


Son xəbərlər
20.07.24  09:42

Lukaku "Napoli"də