"3 qol buraxdığıma görə utanıram" - "Qarabağ"ın qapıçısı

"3 qol buraxdığıma görə utanıram" - "Qarabağ"ın qapıçısı
ÖLKƏ FUTBOLU 19 May 2024 / 19:28 3583
-  A +

“Qalib gəlmək hər zaman xoşdur. Yalnız 3 qol buraxmağımız məni narahat edir”. 

QOL.az saytına açıqlamasında bu sözləri “Qarabağ”ın qapıçısı Amin Ramazanov Misli Premyer Liqasının 35-ci turunda “Turan Tovuz”u 4:3 hesabı ilə məğlub etdikləri oyun barədə danışarkən deyib. 

21 yaşlı qolkiper öz çıxışından narazılığını ifadə edib: “Oyunumdan necə razı qala bilərəm? Bilmirəm nə deyim. Baş verənlərə görə utanıram. Qapımda 3 qol gördüm. Belə olacağını gözləmirdim”.

O, mövsümün son turunda qalib gəlməli olduqlarını söyləyib: “Hər oyuna maksimum dərəcədə ciddi yanaşmaq lazımdır. “Araz-Naxçıvan”a qarşı keçiriləcək mövsümün son oyununda qalib gəlməli və bacardığımız qədər qapımızı toxunulmaz saxlamalıyıq”.

A.Ramazanov ölkə kubokunun finalında "Zirə" ilə keçiriləcək oyundan da söz açıb: “Finalda qələbə qazanmaq lazımdır. Biz göstərməliyik ki, “Qarabağ”ıq. Ən yaxşı oyunumuzu sərgilməli və mövsümü “qızıl dubl”la başa vurmalıyıq”. 


Son xəbərlər
22.06.24  13:45

Polis azarkeşi döydü