"Əl-İttihad" meydana çıxmaqdan imtina etdi, oyun ləğv olundu

"Əl-İttihad" meydana çıxmaqdan imtina etdi, oyun ləğv olundu
XƏBƏR 2 Oktyabr 2023 / 22:34 5768
-  A +

Asiya Çempionlar Liqasının C qrupunun 2-ci turunun İran "Sepahan"ının Səudiyyə Ərəbistanı "Əl İttihad"ını qəbul etməli olduğu matç ləğv edilib.

Qol.az xəbər verir ki, qonaq komanda iranlı general Qasım Süleymaninin heykəlinə görə meydana daxil olmaqdan imtina ediblər. Bu barədə "RMC Sport" məlumat yayıb.

İsfahandakı (İran) “Nəqş-e Cahan” stadionunda keçirilməli və Bakı vaxtı ilə saat 19:00-da başlamalı idi. “Əl İttihad” meydanın kənarında, hakim skamyasının arxasında qoyulmuş heykələ görə oyuna başlamaqdan imtina edib. Bu büst 2020-ci ildə İraqda pilotsuz təyyarənin hücumu zamanı həlak olan iranlı general Qassem Soleimanini təmsil edir. Səudiyyə mediasına görə, “Əl-İttihad” “futbolla heç bir əlaqəsi olmayan siyasi elementlərin” olması səbəbindən meydana çıxmayıb.

Tribunada olan iranlı azarkeşlər meydana müxtəlif əşyalar ataraq narazılıqlarını bildiriblər.

Səudiyyə Ərəbistanı klubuna bu hadisəyə görə texniki məğlubiyyət verilə bilər - 0:3.


Son xəbərlər