"Hamı “Qarabağ”ın səviyyəsini bilir" - Elmar Baxşıyev

"Hamı “Qarabağ”ın səviyyəsini bilir" - Elmar Baxşıyev
PREMYER LİQA 25 Sentyabr 2023 / 22:05 3363
-  A +

“Bilirdik ki, ağır oyun olacaq. “Qarabağ” çempionatımızın liderlərindəndir. Yaxşı təşkilatlanmış komandadır. Planımız daha çox ön xətdə oynamaq idi. Amma əfsuslar olsun ki, oyunun əvvəlində fərdi səhvlərdən qapımızda qollar gördük. Bundan sonra komanda istədiyimi verməyə çalışdı".

Qol.az xəbər verir ki, bu sözləri "Qəbələ"nin baş məşqçisi Elmar Baxşıyev Misli Premyer Liqasının 7-ci turunda "Qarabağ"a 1:2 hesabı ilə uduzduqları oyundan sonra keçirilən mətbuat konfransında deyib.

"Bu gün məğlub olmaya da bilərdik. Məzmunlu oyun göstərən və daim hücum axtarışında olan komanda gördüm. İstədiyim komanda budur. Bu tempi saxlaya bilsək, daha sanballı “Qəbələ” görəcəksiz. Meydanda bir-birinə layiq iki komanda var idi. Hamı “Qarabağ”ın səviyyəsini bilir. Onlardan aşağı səviyyəli oyun nümayiş etdirmədik” - deyə o bildirib.

Daha çox


Son xəbərlər