"Beşiktaş" - "Neftçi" oyununun saatı niyə səhv göstərilib? - Yenilənib

"Beşiktaş" - "Neftçi" oyununun saatı niyə səhv göstərilib? - Yenilənib
KONFRANS LİQASI 17 Avqust 2023 / 10:45 8117
-  A +

Konfrans Liqasının 3-cü təsnifat mərhələsində bu gün keçiriləcək "Beşiktaş" - "Neftçi" oyununun saatı dəyişdirilməyib.

Bu barədə Qol.az saytına açıqlamasında "Neftçi"nin mətbuat xidmətinin rəhbəri Rüstəm Allahverdiyev bildirib. O, əslində görüşün əvvəldən saat 22:00-a təyin olunduğunu, UEFA-nın səhvə yol verərək oyunun vaxtını 21:00 qeyd etdiyini bildirib: 

"Əslində saat dəyişdirilməyib. "Beşiktaş"dan da bildirilib ki, görüş saat 22:00-dadır (Bakı vaxtı ilə). Sadəcə olaraq UEFA-nın səhvi olub, saytlarında 21:00 (Bakı vaxtı ilə) göstərilib. Elə dünən "Beşiktaş" nümayəndələri bizim yanımızda UEFA-ya zəng etməyə çalışırdılar ki, səhv düzəldilsin. "Beşiktaş" azarkeşləri ilə bağlı da problem yaranmayacaq. Çünki "Beşiktaş" azarkeşləri əvvəlcədən matçın düzgün saatını bilirdilər". 

Qeyd edək ki, Azərbaycan və Türkiyə arasındakı zaman fərqi 1 saatdır.

*      *       *

Konfrans Liqasının 3-cü təsnifat mərhələsində bu gün keçiriləcək "Beşiktaş" - "Neftçi" cavab oyununun başlama saatı dəyişdirilib.

Qol.az UEFA-nın saytına istinadən xəbər verir ki, matç Bakı vaxtı ilə saat 21:00-da yox, 22:00-da start götürəcək. Hələlik UEFA-nın belə qərar verməsinin səbəbi məlum deyil.

Qeyd edək ki, bu komandalar arasında "Neftçi Arena" keçirilən ilk matçda "Beşiktaş" 3:1 hesablı qələbə qazanıb.

Ramiq Ağaməmmədov

Daha çox


Son xəbərlər